منجاة الكاشوش



اكميتو و انثرت اسبولتو فانفاس غيري ظلام

اغواني ببياض سلهامو

تاباغتني بنسر الوصام !

ؤومالالا علامو

تاكانت احياتي زريطت اعوام اخسارة

فين براد الدواخل المنغم ديارنا .؟

كبوب بمشروب مزاجنا كانت شرشارة

انشوة دخان شاخت فانعمانو اسموم

جيحت من المشموم المحبوب نوارة

البلية مكارة فرمت اعمارة بلار

بين اسواني الكلام كان مفخارة

فيا الشاق نهرو البلية مكارة

نشبة و مكدرة الايام مخيبة الاحلام

هاك منجاة الكاشوش شدها حمام

وياك يعشش ادواخلك انسر الوصام

ترقيدة دخان تفرخو

نقر صدري دويك خرشاشة لطامو

راه ملفوفو طاعون فقالب قلاز لبنادم

وياك يغويك كيفما اغواني بياض سلهامو

وياك يعميك الطيش و تمسح حياتك بكمامو.


الشيخ عتيقة