استادي الفاضل عمهم
بوحك الجميل اعجبني كتيرا خاصة اننا لم نتعود منك الكتابة في هذا الاتجاه وبهذا الاسلوب
اهنئك على هذه الزجلية الرائعة التي تحمل احلى معاني التودد الجميل للتي هي في كيانك
تحياتيييييييييييي

[quote="عمهم"][center][size=24]هاني ليك



هاني ليك كومشة محاين يالملبساني المحال

يالحارقة زهور المحبة لي فالدخال

هاني ليك سيف حافي جافي قتال

يالشاربة بحور دمي يالساكنة لوصال

هاني ليك يا لكافرة الحافرة بين ظلوعي لهوال

كنتي بجواري و لجوابك حطيت انا سؤال

هاني ليك يا لمرظعة الشمتة يالعامية لنجال

كون كانت متلك النسى ماتبقى خصال

هاني ليك مربوع القد فالحيال فتال

ياما غطيتك بسمايا وفرشت لرض اقوال

هاني ليك بعدما تركتني بين جرج وجرح نسال

زرعت ليك المحبة دهب وجنيتني كبال

هاني ليك مواج هايجة تلطم لرمال

ومجدوب مهبول كلامو مسكون حاير البال

هداوي غاوي جاوي راكبو الحال


هاني ليك مسجون فغرامك مكبل تكبال


كبة خيط راشي مخبل تخبال


هاني ليك ايزار خظر منقت زهر على ظهر دجال


مقراج حامي بارد فجوف ولد بويا رحال


هاني ليك صواب ف كف غريب منقوش خيال


سك مضروب رنان ف جراح عبد ولوال


هاني ليك جمر فوق مجمر لهيبو هلال


سوالف مطلية حنى منتوفة توكال


هاني ليك برية مختومة حامل سر وحمال


خبار مجرتلة ف راس شقي حصانو هبال


هاني ليك غفلة دفلة ماتسوى ريال


حزام لوقت مقطع على من انا عوال


هاني ليك نجمة طافية والليل فيها دلال


من يشري محايني معبورة وافية متقال


هاني ليك صفعة ف خد منهوك تايه جوال


مرايا ف مرايا جوفها سراب محتال


هاني ليك نكاسة مغلفة نداسة للعين حيال


بين سلك وسير تقطع السير للفاهمين عدال


هاني ليك حجاب ف كتاب محصن بين دمع هطال


طاسة نحاس مرية باس همها سال


هاني ليك سعد مهرس زهر مايل خصام وجدال


كلام مرقع دايزو لكلام لغى ف سوق لردال

هاني ليك طوبة هبيلة ف حرت ليلة والحال هدال

صوفة من منجج مهبول يشكي من حر القرشال

هاني ليك سما حكما مطر حر كدي وتلال

دبرة نعرة ف بهيم ما فهيم معتال

هاني ليك منغاز دراز حصيدة برسيم وعكال

روضة منسية مطوية حالها حال

هاني ليك قصيدة بدون قوافي والمعنى فاقد لكمال

لوحة ف خيال حافية مرزمة محية صلصال

هاني ليك الم مؤلم ف روح غريبة بدون علال

صاح من صاح صيحة وصياحو دلال

هاني ليك رعد نواح برقو وضاح ف السما بطال

ريح زمزار مقرد يحكي مكحل كحال

أخي وأستاذي المحبوب عبد الرشيد عمهم

إبداعك الزجلي يحمل دوما جمالا قويا وإيقاعا جليا يدل على أنك شاعر من العيار التقيل

تحية خالصة استادي سعيد محمودي وشكرا على تفقدك قصيدتي هده واتمنى لك التوفيق

عمهم زينهم كلاهم
تحياتي لك ولي السلاسة الابداع
الزجل جميل والجمل هو الغوص في بيناء الموضوع
بي ادوات لصنعة
شكرا
خوك انا

هاني ليك قاري وسامع وسط الرجال
هاني ليك كول وزيد كول باقي الحال

رائعتك اخي عمهم في منتهى الجمال الابداعي

نهار تنطق الكتبية
تكول عمهم جيبوه لي

هاني ليك برية مختومة حامل سر وحمال


خبار مجرتلة ف راس شقي حصانو هبال


هاني ليك غفلة دفلة ماتسوى ريال


حزام لوقت مقطع على من انا عوال


هاني ليك نجمة طافية والليل فيها دلال


من يشري محايني معبورة وافية متقال


هاني ليك صفعة ف خد منهوك تايه جوال


مرايا ف مرايا جوفها سراب محتال


هاني ليك نكاسة مغلفة نداسة للعين حيال


بين سلك وسير تقطع السير للفاهمين عدال

..................................................

الله الله يا سيدي عبد الرشيد
.........................
شديتيني بلا منحــــــــس
نقرا ونعــــــــــــــــــــاود
وبين السطور نتلمـــــس
شاعرية و دوق تبانـــي
خيال ف لمعاني مغمس
..........................
تحياتي اخي عمهم

هاني ليك
انهني ليك زين وروعة لكلام
هاني ليك
زجلية فيها معاني واحكام
هاني ليك
مايسبح في ا حروفها الا شاعر فنان

شكرا لك
اخي الكريم
واستاذي الفاضل
عيد الرشيد عمهم
زجلية رائعة ونفس طويل
تحياتي الخالصة ومودتي الدائمة

شكرا اخي العزيز الراقي عبدالغني على مرورك الكريم

بكل صدق
اعشقك
بجميع حواسي اتجول بين ابيات قصيدتك
بكل الصدق دمت مبدعا اخي عبد الرشيد
اخوك رضوان

هو عمنا
و عم الكتبة..
...
...
ويلى عمت حروفو
سما الدواية
...
...
تخضار أرض لقصيدة
جنة على مد لبصار
إجري من تحتها
واد..لمداد
...
...
ند خلوها..
من باب المعنى.
..............................................................

. خويا عبدالرشيد لك ترفع كل القبعات.