[]]خصام الدجاجة البلدية والرومية[]
ياسمعني بينا نغنمو طيب لوقات
نعمو بساعة البسط والسـلوات
نحكي ليك حكاية لزوج الدجاجات
وحــده بلدية و لخرى روميــــه
لقاتهم الدنيا وناعورة لحيـــــــاة
مشكلهم وحدة ب لخرى مرضـات
فاش يتعايشو صدقو مخاصمـــات
كل دجاجة عل لخرى مقصــــرات
نسرد لحكايه كيف بدات وتطورات
فصباح واحد اليوم من ليــــــــام
الدجاجة البلدية تهبش وتقاقــــــي
عـادتها تقلب ف اللي شاط وباقـــي
تصادف رزقها بين جنانات وسواقي
نفس الوقت والان الدجاجة الرومية
كانت تعــيش فشي كوري ب التربية
ف وقت البيع تسلت ضربتها بجريـا
مع نفسها قالت تنجم بالتخبيــة
تشوف حوال الدنيا وتمتع ب الحرية
صدفات قدام عيونها دجاجة بلديــــة
دوات أوقالت ليها خيتي سمحي ليا
واش مزالين مثالك يعيشو فدنيـــــا
ألا نضري على قــــدو وتخيل ليا
الدجاجة البلدية ف الخاطر تغيرات
مرضات نفخت ريشها بتاويـل ردات
بقولها دوي يا العيفه ياقليلة لوفـى
كيف نسيتي الأصل و المفصــــل
كثرو ليك السكليم وخرفتي تخريفــه
نطقت الرومية قالت ليها سمعـــي
السكليم علفي منقي و مصفــــي
يجيبوه ليا خدامي حتى لعـــــــندي
ماشي بحالك تضلي تجري وتنبــري
ولي لقتيها ف لرض بيها تقــــدي
الما اللي ف الشقوف هو م تشربي
تضلي ب فلالسك ف لخلا تـدوري
وليلك تدوزيه على البيض تكركــي
ب لمهل والرزانة البلدية شافت فيها
حركت جنحانها ردت بعناية عليها
نجري و ننبر من حرورت قلبي
مانبغي من يجيب الحاجة ألعندي
والي جاب ليا شي طامع فلي بحوزتـــــــي
نعتمد على نفسي و رزقي يجيبو ربــــــــــي
اما نتي ما تشبهيني فشي بزاف عليك هيبتي
ريشي جامع اللوان ب المرة عاطيه لنضرى
عشيقي ما يصيب عليا صبــرا
قداش نتي بنت ثلث شهــــور
العسه عليك ف الكوري بالدور
ريشك معفن ب البياض محصور
معكازه فنيانه وجهدك مكســــور
فلالسي اللى بيهم نــــــــــــــدور
نعلمهم يحاربو العكز والغـــرور
م شي بحالك ما ريتهم ما تمتعتي بيـــــــهم
الهيه بين الضــــــــواو خليتهــــــــــــــــــم
الرومية ف لكــــــــلام تمعنـــــات أو دوات
حيت قدري معزوز لعسا عليـــــــــــــــــــا
الخدام تخدمني صباح وعشيــــــــــــــــــة
فرحانين فرحتهم بيا ماكله وشراب وأدوية
أما نتي يا لبليديه زمانك مشا مع لغشمـــــا
هدا عصر جديد تبدل فيه البالي بالجديـــد
هدا زمان السرعة الطلب عني فاق وتعـــدا
عطـيني ودنيك نقيهم ليك وما نسمح ليك
سالي عني وسقسي و عندا كي تقيســـي
أنا الحاضرة ف لعياذ اولعراس والمنسبات
بيضي نحطو وافي حتى حد عليه مخفــــي
صاحبة لخواجة و المسكيـــــن
لحمي فتية للي معندوا سنيــــن
الكل يقلب عليا مطاطــي حنيـــن
تكلمت البلدية قالت هداي عليــا
غير ألي جابها فمك تقوليها ليا
راه حتى شي ما يخفى عليا
بلا عطوروتبزار لبنة أنا مولاتها
النفيسة بلولي هو دواتهــــــــــا
غير ليام تعطي للي بغاتهـــــــــــا
مذاقي معروف محمرة ولا نصيب
ما شفتي طجين ب البصلة والزبيب
موجودة فديور لكبار وعند كل حبيب
أما نتي يا المنتوفة ي القرعـــى
ملي الناس تتنـازل وليك تسعـــــــــى
تطيبي والدم من عضامك يسيــــــل
الجلدة عامرة شحمة تكهم لبخيــــــل
الوقت اللي طال لخصام بينهم وطول
كل وحدة فيهم معيورها مبني متول
كان رجل لباسو بيض فجنبهم يتجول
شافوه وخصامهم رجع هروب يتعول
ضنوه كزار جاي ليهم ب سكينو يتسلل






[/size]

متعك الله أخي العزيز المختار الافغيري بالصحة والعافية
وأشكرك على هذه القصيدة الجميلة بحق
وفقك الله أخي ورعاك

الاخ المبدع المختار الافغيري
شكرا على هذه القصيدة الجميلة،انها بحق تعتبر رائعة من روائعك
وهي تفكرنا بروائع شيخ النظم الفقيه المدني التركماني
الذي يعتبر في عصره شاعر المسرح ، حيث كان رحمه الله يحسن الخصام ما بين الخادم والحرة ،
والشايب والشابة، والعكوزة والشابة
دمت اخي المختار زجالا متالقا
ومسيرة موفقة على درب شيوخ الخصام
بلع سلامي الى ابن قزمان" "

اخي العزي
ز المختار الافغيري
كتبت فابدعت
وفن الحوار اتقنت
وبقراءت قصيدتك استمتعت
وفقك الله
تحيتي الخالصة

الاخ الكريم السي المختار الافغيري

مشكور يا اخي على هذا التنوع في المواضيع
جميل ما سطرت احترامي

أخي و أستاذي المختار الافغيري
قررت إدارة منتديات دواوين الثقافية و الأدبية ما يلي

اخي واستادي السي سعيد محمودي
تشرفت بمرورك الكريم
تحياتي الخالصة

العزيز ....سعيد بن العيدود سلام الله عليك
تشرفت بكلماتك الرقيقة والمعبرة وهدا ليس بغريب عليك
.....................................................
والله دكرتني في مسالة شيوخ النضام الله يرحم الناس اللولين
مسالة شيوخ النضام خاصها گعدة متولا...ما يكون فيها ربيب
........................................................................
مودتي الصادقة وهنتا معروف هههههههههههههههههههه

الاخت فتيحة رشاد فراشة المنتدى
اشكرك على المرور كدالك على الكلمات الرقيقة
الف شكر ...... تحياتي وتقديري

البعليوي عبد السلام كتب:

الاخ الكريم السي المختار الافغيري

مشكور يا اخي على هذا التنوع في المواضيع
جميل ما سطرت احترامي

ابهجتني كلماتك الفنية الصادرة عن مبدع يحمل على كهله هم الكلمة
الكلمة .......الكلمة......المعبرة والصادقة و الهادفة
.............................................................
استاد عبد السلام البوعليوي دمت بالف خير
شكرا جزيلا على مرورك
تحياتي الخلصة وليدم التواصل بيننا

بنعيسى الحاجي كتب:

أخي المبدع المختار الافغيري

هو نص تتبارى كلماته على حلبة التتويج
ترقص صوره الشعرية على إيقاع عزف مناطق الطيور
والتي أمتعتنا بترجمتها زجلا إلى منطق العنصر البشري
فكان لك التميز والتألق
مودتـــــي

استادي بن عيسى حاجي
تشرفت بمرورك الكريم
...............................
والعين ما تعلى على الحاجب
كلماتك شهادة اعتز بها
دمت بالف خير ودام التواصل بيننا

استادي سعيد محمودي الف شكر لادارة المنتدى على تتبييت هده القصيدة