منتديات دواوين الثقافية و الأدبية

يَا ريحْ لهَمْ نافْخَة بْ الصَّهْدْ زْفيـــــــــــرْ
مْنْ شُومْ لِيَّامْ مَاضْيَة تَعْطِي عْطَانَــــــــا

فَرْشْتْ لْمحَانْ تْڭدِي وُ جْمَرْهَا حْصِـيرْ
ْيدْمِي لْقْدَامْ وُ لْمُرْ كَاسْ سْقَانَـــــــــــــــا

وُ سْنِينْ خْلاَتْ طَبْناَ كِي طْيابْ لْجِيـــرْ
فِي بْيُوتْ النَّارْ تَقْلْبْ صَفْحْ شْقَانَــــــــا

وُ الْخُوفْ لْجَامْ حَاكْمْ فِينَا التَّعْبِيـــــــرْ
وُ مْنَعْ لْكْلاَمْ حتَّى شَقْ جْوَانـــــــــــــاَ

وُ النُّومْ هْجَرْ حيلْناَ وْ ضَاقْ التّفْكِيــرْ
وُ للِّي شْرَكْناَهْ خِيرْناَ يْعَضْ فِي ڭْفَانــاَ

وُ الذُّلْ رْكَبْ خِيلْناَ وُ ُْمْسَخْهَا حْمِيـــــرْ
دَايْر بْ نْوَاعْرهاَ يزِيدْ فيِ خزانـــــــــا

وُ النّورْ عْدَمـْ سِيرْناَ وُ بْ قَلْبْ لْبْصِيـرْ
نْعَزِّيوْ ظْلاَمْ لِيلْناَ بْ صُبْح صْفاَنـــــــاَ

وُ رْبِيعْ لَحْلامْ عَدَّى بِينَا التَّغْيِيــــــــــرْ
ُو رَاناَ نْتْحَكُّو بْ دْفُوفْ رْحَانــــــــــــاَ

وُ صْبَرْناَ شَاخْ فِينَا وُ صْبَرْناَ كْثِيــــــرْ
شَارْيِينْ لَوْهَامْ وُحْناَ شْكُونْ شْرَانــــاَ ..؟

الله عليك الزجال العزيز عبد العزيز
تبارك الله عليك
لا تحرمنا من المزيد أخي العزيز
تحياتي لك

» عرف شكون انت
» شكون سمعني
» شكون احنا
» شكون الكذاب
» شكون انا واش نكون ؟

منتديات دواوين الثقافية و الأدبية

منتديات دواوين الثقافية و الأدبية

شكون شرانا ..؟