هاذاعيدك يا لمره

هداوني مشموم ورد
وكالولي هذا عيدك
كوني مثبتة ورزينة
وردي بالك تقلقي سيدك
عطاتك الايام
باني وزيدي لقدام
عنداك تنساي شريكك
راه حاضيك يجيب ليك التمام
كالو لي فرحي وضحكي
وباحسن حوار نطقي
عنداك ف الدار تهزي عينك
عل مول الشوار والراي ومعاه تقادي
خرجي وطالبي ب لحقوق ولمساواة
طيعي راجلك ديري فيه النية
ما تنفعك لاجمعيات ولا هتافات
دخلي سوق راسك ديري فيه مزية
اندامجي وانخارطي فين بغيتي
ولا تعمري راسك ب لقيل ولقال
هاداك هو سعدك احبيبتي
وتغيير لحال م لمحال
لاتغتري وعنداك م اصحاب الاعلام
هاداك كلو غير سيناريو ومونطاج
كلامهم زواق او وعودهم احلام
تقلب ليك حياتك وتنوض عليك لعجاج
س/أ/غ8/3/2013