ريوس لحروف

مْيات راس وراس فْ راسي
كلها ويلغي بلغاه
ولا حد لقى دواه
تَنْفخ راسي وكْبر
وما بقى يجي كَدي
جنابو مالت
قفاتو ساحت
عْبَرتو بْ ميط الزمان والظروف
شحال تزادت فيه من حروف
فيها اللي مْقاد
وفيها اللي قاسو لحماق
تصيح ب نار شاعلة وسخونة
ومرة ضاحكة هادية
ما هي غير مجنونة
طايرة بلا جناح
هازة شلى محاين
من هيه ومن هنا
لوقت مْزاحمها
ما عارفة فين تحط
لا على من تميل
ولا على من تشد لحيل
عل شمال ولا عل يمين
كلها ويلغى بلغاه
ولاحد لقى دواه
لقلب جفا
لعقل حفا
ليد قصيرة
ولعين بصيرة
الشمس ساطعة وبعيدة
نورها مْظلّم
عليه ضباب مْغَمّم
كابس عل حروف
مْعيّشها ف لخوف
شادها م لجوف
الشمس ساطعة ساطعة
وباقي بعيدة
باقي ما طالعة