لبارح ونا بين الفياق و المنام
حلم خير وسلام
بنت جميلة عندها عيون كبار ودايرا لثام
وراكبة على عود من الفضة عندو اللجام
ولابسة قفطان حرير بلا كمام
ومن الموبرة زايدة سلهام
لايحاه اللور وهازة علام
فوجها وشام فيه خميسة وزوجة من لحمام
سبحان الخالق سبحان العلام
حورية خارجة من الحمام
نورها بهارني وتلفت وبديت بالسلام
قلت لها عار الله وعار الاسلام
قل لي شكون انت راك فرتتي لي العظام
قالت لي انا قنديلة شمعة ف الظلام
انا هي فاطمة هي شيماء هي خولة هي ابتسام
مغربية حرة وانت مغديش تفهام
بلي ربي رزقني الحسن والجمال وحسن الكلام
وحفظني منك ومن غيرك بهاد لوشام
وخليك بعيد بلا ما تعيش ف الاوهام
راه بزاف عليك الهوى الحب والهيام
تبورشت وشدتني الرعدة وجمدت كالاصنام
علاش حكمتي علي هاد لحكام
ونا معاك بغيت نكمل ما بقالي من ليام
فعز وهنا وسعادة بلا تخمام
قالت لي لبس قدك يواتيك ونت كلك سقام
خليني نساين فارس الاحلام
لي يمكن يسعدني ويساريني فنيز وامسطردام
وانت خليك مع السيمة الياجور والرخام
فيقت مخلوع عرقان قلبي غدي يسكت ولد الحرام

خير وسلام عليه الصلاة والسلا م وصف دقيق للواقع الخيالي الدي نعيشه في سباتنا بوركت اخي ودت مبدعا

شكرا على مرورك الكريم اختي فاطمة وعلى تشجيعاتك