منتديات دواوين الثقافية و الأدبية

عاش الزعيم

السيد إبراهيم أحمد

وهاأقف ببابك لحد الصبح
تفتح ...
أقلدك من ضلوع قلبى صولجان
وألبسك من حنان عمرى طيلسان
وابدأك فى كل حفل ومهرجان
مولانا صاحب السياده
وأبدر الأرض اللى تتنعم
بملمس حذائك بالقبل
وارسمك فوق الصحارى
حبات خضار
واخلقك من قلب الهزايم انتصار
ولما تغطينا بسوادك ليل
ارفعك فوق كتافى
شمس بتمطر نهار
وف كل جمعة هدعيلك
واصلى ..
وعند كل ميكرفون
هاهتفلك تملى ..
واخبى ف عنيه الكلام
من ودن خلى .

ولمااقفل الباب بالترباس ورايا
واتأكد إن خلى مش معايا
هلعنك..
وهحط وشى فى المرايا
واتأكد ان ده جلدى مش قناع
واللى تحت تحته برضه
جلدى مش قناع
وإن أنا هو أنا
بنفس اسمى .. بنفس وشى
اللى اتولدت بيه من كام سنه
هعيد سبابى برضه تانى والعنك .

والصبح عند بابك ديدبان
أمطر جنابك .. بصبح ورد
وقول ريحان
وهالعن لسانى
وهالعن فى انسانيتى الإنسان...

. .

المبدع المتألق اخي الفاضل السيد ابراهيم أحمد عاش الزعيم زجلية معبرة استمتعت بها
الإبداع صفة أساسية من صفاتك
عبرت عن مشاعر الكثير بكل رقة
تحية قلبية من الاعماق ابعثها لك

أشكر لك أخى الأستاذ/ سعيد محمودى .. هذه الاطلالة على هذه الزجلية
التى كما وصفتها بأوجز وأعمق وصف : (عبرت عن مشاعر الكثير) ،
فالزعيم صورة عامة من خلال رؤية خاصة .

خالص مودتى .. وتقديرى

» أمى .. للشاعر / السيد إبراهيم أحمد
» الحلم لمَّا مات السيد إبراهيم أحمد
» القطــــــــار .... السيد إبراهيم أحمد
» سوريا بلا زئير... السيد إبراهيم أحمد
» الحزنُ مُؤنِسُّنا... السيد إبراهيم أحمد

منتديات دواوين الثقافية و الأدبية

منتديات دواوين الثقافية و الأدبية

عاش الزعيم السيد إبراهيم أحمد