منتديات دواوين الثقافية و الأدبية

كيف نرجع...؟

خرجت من حشايا مولود جديد
قلت هادا يوم جا من بعد طول انتظار
يكون لميلادي عيد
خير وجادت عليا بيه الأقدار
رميت الخشبة ف بير بعيد
مهجور وما لو قرار
بغيت نخلّف و نزيد
لقيت راسي محوّط بسوار
ف حشا عبد من العبيد
على ضهرو من الحمل قنطار
ومكبّل بسناسل من الحديد
قلت نرجع ل الخشبة ونهرب من لي صار
سلكت ل البير طريق بعيد
وملغّم ب الأخطار
لقيت البير مطمور بحديد
ومسمّر ب ألف مسمار
كيف نرجع لحشايا من جديد ؟
قولو لي. انا لجوابكم ف انتضار...

- سعاد فائز -

المتألقة سعاد فايز
تعجبني مواضيعك المختارة
تبارك الله عليك
أتابع تقدمك المبارك
لك تحياتي

رائع كما تعودنا منك دائما اختي الكريمة المبدعة سعادفايز
مع خالص تحياتى وفائق تقديري.

عليك ب الصبر
غمض العين
وسع الخاطر
حكاية ل سوار
ما هي عار
قولي خاله
على وجه زين
أطعام المسكين
ديما بنين
لا ترجعي اللور
لا تسولي ف بير
أكوني م المعدن الزين
ما شي الشين

مودتي