منتديات دواوين الثقافية و الأدبية

تحية ود لكل أحبابي في منتدانا الحبيب
عيد مبارك سعيد وكل عام وأنتم في رقي دائم
قد تختزل القريحة كلمات ويقف الإلهام عند بيت أو بيتين
لكل تلك الأبيات اليتيمة والتي غالبا ما تطوي في حروفها القليلة حالا بحاله وعمقا بدلاله وحكمه..إرتأيت هنا أن يشاركني إخواني وأخواتي أبياتنا تلك معا
وسأبدأ..
كدبتْ على راسي فكُل ما فات مْن يّامي
وهاني كبرت..وندمت لي مايوصفوش كلامي
وبكيت..ودمعتْ قد لي زلّيتْ يا ندامي
غفر لي يا ربي..يا دا الجلال والإكرامِ

لاتوصي يتيم على بكاه
كترة الهم تضحك
وهو همّو بكّاه
فودن الزمان لصْمك
نواحو يتسمع صداه
يا النادم على زلتك نّصحك
خلص النية والغفران ربي مولاه

حسبت دنوبي نزلت دموعي

شحال كدني في عيني نمسح

كنت تايه في دروبي

ما لكيت صديق مومن ينصح

لي رافقتهم زاد في عيوبي

شكون لأمري يصلح

كثر وسخي ما لكيت لي ينقيني

ملي كنت في الخطيئة نسبح

مشا ليلي وجا نهاري

بدات الصورة توضح

لله يا العالي لا تاخدني

مهلني لصلاة الصبح

نركع ونبكي في سجودي

نترجاك ليا تسمح

في قرآنك نلقى وجودي

بنهار وليل ليك نسبح

سلباتني بكلام عينيها
والضحكة الساحره لقلوب
سهراتي بالزين لي فيها
وبغفله ولّيتْ ندوب
وتسلّقتْ سلّوم لغرام
درجه درجه نبغيك
بنيتْ ليك عندي فلحلام
وخفتْ غيري يدّيك
مدّي يدّيك خوديني
لاترميني على ما فات
نسكنك في مومو عيني
ندلعك يا زينة لبناة

سلباتني بكلام عينيها
والضحكة الساحره لقلوب
سهراتني بالزين لي فيها
وبغفله ولّيتْ ندوب

هاذ الدنيا راها حال واحوال
شي رزين بعقلو
شي راكب لهبال
شي غارق ف همو
وشي مفتون بالمال
ولي بحال زجال
جر لسانو
تصيب شلا مايتقال
راس مالو ورقة وقلم
ولسان ماضي مايحشم

كلام يجر كلام
شلا ما تخط ع الوراق قلام
هادا حلال و هادا حرام
هادا هاز للحرب علام
وهادا تايه يقلب ع السلام
وهادا غارق غير ف لحلام
وخليك شاهدة يا ليام

الله كبير يا راسي
ياك هم الدنيا يفوت
متبقاش غافل وناسي
يمكن يجرّروك لخّوةْ
مازال صابر ونقاسي
والخاوى حدها الموت
قال لك الخير يبلاصي
قال ليك الشر يفوت
راني نعيشها بقياسي
أنا باغيها بلى غوت
وطالب لهيه خلاصي
حيت شايف من بعد الموت

من رزقه الله الفطانة في شيئ ،أضاء للغير
بأشياء،مجدوبة رائعة أيها الزجال المقتدر
جميل ما أسطرت لنا أناملك أخي العزيز
محمد بوبكر مزيدا من العطاء أخي.

شكرا على التفاعل أختي سعاد فايز
والغالي سعيد محمودي
والعزيز ابراهيم الرامي
والصديق الضريسي الباز حسن
لكم تقديري

أولا أشكر محمد بوبكر علىتلك الكلمات العذبة

وأشكرا تانية الأساتذة الكرام الذين شرفونا بأحلى الكلمات لمشاركت الأستاذ محمد لكم التحية

تلميذكم : طارق أمغار

شكرا المبدع الشاعر طارق أمغار على سندك
أرجو أن تشا ركنا أنت الآخر
لك تحياتي

يا ودّي الحشمه فاين
مالكي على ديك الحاله
كلشي معرّي باين
واش ما بقات رجّاله
ولّ عيات تساين
وعلى شي خزيتْ عوٌاله
ردّيتو الساعه علاين
يا جبّادين الباله
فاين الحشمه فاين
يا لي رضّيتوها قرباله
عايشينها بلمحاين
ولعمر بوالو يتساله

محمد بوبكر
يا ودّي الحشمه فاين
مالكي على ديك الحاله
كلشي معرّي باين
واش ما بقات رجّاله
ولّ عيات تساين
وعلى شي خزيتْ عوٌاله
ردّيتو الساعه علاين
يا جبّادين الباله
فاين الحشمه فاين
يا لي رضّيتوها قرباله
عايشينها بلمحاين
ولعمر بوالو يتسال

سي محمد الله يدير تويل الخير
تزنكو وتميكو وتجبدو
ولما تتكلم معاهم يكولو ليك حناا بنات الاصل والمفصل
ويشعلو في وجهك كارو مركيز

تحيتي اليك

سرني جدا تفاعلك أخي احمد حمانو
بارك الله فيك أيها العزيز
لك كل احترامي

» زجلية: شككيم
» أبيات مراكش تنفتح على المدارس تكريم خاص لإيمي سيزار في الدورة السادسة
» رمضان زجلية
» زجلية: لقطة
» زجلية: لاش ألاش

منتديات دواوين الثقافية و الأدبية

منتديات دواوين الثقافية و الأدبية

أبيات زجلية