منتديات دواوين الثقافية و الأدبية

كما ضاري
من نهار خلق ربي الدنيا
حل السارح ولد السارح
عينيه لمدغمشات فدغيمشية
تشبح شل تشباح
تماطى لعصاتو
سلكها فقرابو
لاحها على كتفو
خرج من خيمتو
في السروية
دمك بابوبي
كلبو لحاس لعتابي
حل فمو گبل عينيه بنباح
عض عضة فكل جنب
تبعو بتابعو يلعب ويعجب
يلهت بلا لهيت
لسانو ساح
فوگ نادر الحلة
نغز الفروج
فاق الفروج
ما عرف باش تبلا
فرفر بجناح
تفرفيرة
ما دير حس
ما تنوض غبرة
ودن غ بالإشارة
بلا وضو بلا تمومة
حيا وتمارة
من سيدي ولالة
مالين شكارة ولعمارة
عاد غمضو
بعد ألف قصارة وقصارة
أش هدا يا عمي الفروج
واش ما بقات عدك دوارة؟
ما شي عيب وحشومة
يتگطع فيك الحس
وتحبس فيك النفس
تنونتك لونها بهات
ولوات
ودلات
فين ديك ليام الزينة
أيام الجهد ودصارة
جنحانك بشان وهمة
يحدرو نگاب الظلمة
على مولات التبسيمة
لمهبلة شل قومان
من يامات بونا آدم
فين منك داك صياح
ينوض صباح
يجري ما شكماه
في دفا ليلتو
فحضن خليلتو
جنب الواد هواد
وطيور على كل عرش وسور
فرحانة بخير مولانا
الله الله
الزين غبر ما خلا أتر
ولا أمارة
بقات غير اللولة البعبولة
شل عفونات جارة
في زمان شحال تسوى
حتى لهوا
زوروه الشينوا
وزوقوه
وزواق ما طار هد المرة
ولي دوا تشدو اللقوة
وما يعتقوه تبجغمة
وخ تجيه في سبوب
ويجيها معورط وگايد زيارة
أناري ميمتي حنة
تا طعام ما بقات فيه بنة
وتا عزبة ما بقات دير حنة
وكتر اللغط والسخط
وهربت لمحنة
راسها مشعكك
وشوفها مبعكك
ونا نبكي ونوح
طالع هابط من سطوح
دخلوني لجهنم
ونا حسابلي الجنة
قصد السارح ولد السارح
قصد زريبة
صاب الگطعة الصگعة
فايقة وما دارت له عتقة
بغى يدنى ما هنا
بغى يتسوخر ما قدر
گال أش كاين ألحبيبة؟
گالت ما كاين علاش تبري
من اليوم وراي ما تجري
من اليوم ما كاين غير لالا ولالا
ما بقيناش حوالة
ضحك بابوبي
هجرو له الصردي
بگرنو لمصدي
من داك نهار
ولى السارح ولد السارح
وسطهم يروح وسري
وصيح الفروج شل تصياح
من داكشي
يصبح ويعشي
في الوقت وبلا وقت
ولات نونتو بلعمانة
يتسارى بيها بين دجاجاتو
وگول هانا
هانا
ودجاجاتو يقعقعو
يبيضو بيض حمر وخضر
زين في نظر
ها لي بمح
ها لي بجوج
ها لي بكتر
بارك ما تصور
الله يجعل البركة

عبد الرحمن الوادي
خريبكة 2011/5/27

الله يجعل البراكة فحروفك
شكرا لك أخي عبد الرحمن الوادي
على هذه الزجلية المعبرة ذات معاني واضحة
و نفسك الطويل في الكتابة
تحياتي

الغالي والعزيز الاستاذ عبد الرحمان الوادي سعداء بتواحدك بيننا وأحييك على هذا الابداع والامتاع
كل التقدم اتمناه لك أخي

رائع الزجال عبد الرحمن الوادي
نفس طويل جميل
ونمط فريد رائع
سرني جدا المرور من هنا
زدنا من إبداعك لنواصل الإستمتاع معك
تحياتي لك

دخلوني لجهنم
ونا حسابلي الجنة

هههههههههههه الله اعطيك الصحة السي عبد الرحمن والله إكون فلعوان الهاد الفروج للي دخل الجهنم وحنا تنسنوه إكون فبطنا
تحياتي

لقد رقّ السمار في وادك الزجلي أيها الوادي وقوته إلقائك طوفانا حمل الوجدان إلى آقصى معان الكلمات

اسماء مثلا كتب:: الله يجعل البراكة فحروفك
شكرا لك أخي عبد الرحمن الوادي
على هذه الزجلية المعبرة ذات معاني واضحة
و نفسك الطويل في الكتابة
تحياتي

حتى أنت ألالة أسماء الله يجعل فيك البركة ويفرش لك ويغطيك بستر مولانا والله يعشر خطواتك جيتي من الصويرة محنة حتى لهنا
إوا قولي آمين

البعليوي عبد السلام كتب:: دخلوني لجهنم
ونا حسابلي الجنة

هههههههههههه الله اعطيك الصحة السي عبد الرحمن والله إكون فلعوان الهاد الفروج للي دخل الجهنم وحنا تنسنوه إكون فبطنا
تحياتي

صافي انت مضروب غير على كرشك أعمي عبسلام ما دايرة لك عتقة في الدار وفي الزنقة دخلت عليك غبوجه مولانا واش بحال هد الفروج لي ما منو جوج يتكال ويمشي مع الواد الواد؟؟؟

سعيد محمودي كتب:: الغالي والعزيز الاستاذ عبد الرحمان الوادي سعداء بتواحدك بيننا وأحييك على هذا الابداع والامتاع
كل التقدم اتمناه لك أخي

الله أودي أسي سعيد نتما أولاد لجواد مالين الخيمة لكبيرة الحاطين فوك الكدية لالة

محمد بوبكر كتب:: رائع الزجال عبد الرحمن الوادي
نفس طويل جميل
ونمط فريد رائع
سرني جدا المرور من هنا
زدنا من إبداعك لنواصل الإستمتاع معك
تحياتي لك

وعليه أسي محمد باغي تغرق أنا غادي نغرقك يا كتعرف تعوم بعدا؟

Hassan Dawdi كتب:: لقد رقّ السمار في وادك الزجلي أيها الوادي وقوته إلقائك طوفانا حمل الوجدان إلى آقصى معان الكلمات

أياياياي كع هدشي أسي الداودي طرا من وراي ونا كع ما فخباري وا تسونامي هدا وقيلا يا ربي لما حضر السلامة وستر مولانا

..الحكمة رحمة
.. والنغمة نسمة
.. ولقطة عبرت
.. والله يجعل البركة
رائـــــــــــــــــــــــــع

الحسن ولدالمسكين كتب:: ..الحكمة رحمة
.. والنغمة نسمة
.. ولقطة عبرت
.. والله يجعل البركة
رائـــــــــــــــــــــــــع

تبارك الله ع المراقب ديالنا راك حاضي مزيان

عبد الرحمن الوادي كتب:

اسماء مثلا كتب:: الله يجعل البراكة فحروفك
شكرا لك أخي عبد الرحمن الوادي
على هذه الزجلية المعبرة ذات معاني واضحة
و نفسك الطويل في الكتابة
تحياتي

حتى أنت ألالة أسماء الله يجعل فيك البركة ويفرش لك ويغطيك بستر مولانا والله يعشر خطواتك جيتي من الصويرة محنة حتى لهنا
إوا قولي آمين

ههههههههههه أمين

زائر

خليني نسلم عليك اخويا عبد الرحمان..ونحييك على هذا الزجلية الرائعة..

...بصراحة هذا الزجلية عندك قريتها اكثر من مرة..

ماشاء الله كلها ايماءات ومعاني راقية...

القضية فاتت الفروج من لهيه على حسب ماشفت ابداع راقي..ماخليتيلي مانقول..

غير نكوليك الله يحفظك .ونتمنى نقرا ليك اكثر..

تقديري واحترامي..

المفضل الياموني كتب:: خليني نسلم عليك اخويا عبد الرحمان..ونحييك على هذا الزجلية الرائعة..

...بصراحة هذا الزجلية عندك قريتها اكثر من مرة..

ماشاء الله كلها ايماءات ومعاني راقية...

القضية فاتت الفروج من لهيه على حسب ماشفت ابداع راقي..ماخليتيلي مانقول..

غير نكوليك الله يحفظك .ونتمنى نقرا ليك اكثر..

تقديري واحترامي..

هنا يا خويا سلم حتى تعيا وتقول اخخخ وراك قلتي انت اكتر من داكشي لي قلت انا اش بقى ما نقول قدام قولك واش غير اجي وقول ما يمكنش تقول كيف ما كيقولو القوالة صحاح ههههههه الله يحفظك للحاجة ميمتك

» رمضان زجلية
» أبيات زجلية
» ومضة زجلية : طل عل القصيدة
» زجلية: لاش ألاش
» زجلية: شككيم

منتديات دواوين الثقافية و الأدبية

منتديات دواوين الثقافية و الأدبية

زجلية: لقطة