التدخين و السرطان

سَكَنْ فالْدَّمْ، خْرَّبْ مَكَانْ مُقَدَّسْ
رَحِيمْ الأمْ، كِيِّانْ صْغِيرْ، سيفُ هْدَّامْ
بْجيشُو جْبَّارْ، هْجَمْ عْ لدِّيارْ،
اهدَمْ الْجِدَارْ، دُونْ اعْتِذارْ، اقْتَحَمْ الذَّاتْ اقْتِحَامْ
نْخَرْ الثَّديِّ مَنْهَلْ الرَّضيعْ، صْفارَتْ
الوراق بعد الرَّبيع، وَقْعَتْ الذَّاتْ على لانْفِصَامْ
قلنا يا هدا:
أشْ هاد العادة ؟ أبديتي تَسْتَوْطَنْ،
فعُروقْنا ساكنْ، مع دَمْنا عَجْبَكْ لازدِحَامْ
جعَلْتي من الذَاتْ أطَرافْ،
لاَ طَبيبْ من دواه تْخافْ، لاَ قاضِي بينا حَكَمْ
أطْغَى أَنتَ من الطُغيَانْ،
هْدِّيتِي شُبانْ وصْبيانْ،وما هَدَّكّْ إتِحادْ الأمَمْ
جاوب وكال:
ياكْ أنتَ لِّلي سَكَّنْتِني مع
شِي دُخانْ فلوِجْدانْ، و بادَلْتو وبادَلْني الاحْتِرَامْ
النِّكوتِينْ مَادَّة تَطْعَمْنِي، وآنْتَ
بالْتَّدْخِينْ أمْزَعَّمْنِي، وغَايْتِي أنَا نْزِيدَكْ الألَمْ.
الْتِّبْغْ وَسِيلَة: حَقَقْتْ بِهْ الْغَايَة
ْقضِيتْ لِيكْ عْ الْخَلَايَا، صَبحْتِ من ألاكْهَمْ
أضْعَفْتْ ليك المَنَعَة، ذَاتَكْ
فَقْدَتْ الإرَادَة،ونْشَبْ بين نَفْسَكْ وذَاتَكْ خْصَامْ
مُدَة هَدِي:
وأنا أنْحُومْ بدِيَارَكْ، حتى فْتَحْتِي
الباب باخْتيارَكْ، ورْمِيتْ أنا بِالْخَطْوَة للأمام
أنشَئْتْ فِالْحَنْجُرَة:
بِكُلْ افْتِخَارْ، وآنْتَ زَايدْ
الحْطَبْ عْلى النَّارْ تَحْرَقْ جُوفَكْ عَامْ على عَامْ
ماسْأَلْتِي طْبِيبْ:
على سْبَبْ هَادْ الْسُّعَالْ
غَادِيَا بيك نَزْوَةْ كَذَّبَة لَلْزَّوالْ، غَاشِي عِنِيكْ غَمَامْ


إيبَاتْ لَحْطَبْ إيكْدِي في
جُوفَكْ بْنَدَمْ أنْتَ وَلاَ فَرَّانْ وَلاَ حْطَبْ الْحَمَامْ؟
طَالْعَة رُوحَكْ هَابْطَة دُخَانْ،
الْتَّدْخِينْ أَوْ الْسَّرَطَانْ؟ شُوفْ شْكُونْ مَنَّا إِيتْلاَمْ
حَقًّا حَلِيفْ هُوَ ليَّ:
مع ألأكْسِجِينْ ايضُورْ عْليَّ إيسَهَّلْ
الْعُبُورْ، وما يَنْفَعْ فِحَرْبِي ذِرَعْ وَلاَ حُسَامْ
ألْحَقْتْ ليك لِلْرِّياَ:
قُلْتِي مَنْزْلَة هَادِي وُتْفُوتْ، وَأنَا حَامَلْ
خَنْجَرْ الْمُوْتْ، انْقَّطَعْ فالْحْشَى دُونْ اهْتِمَامْ
نَهْدَمْ ذَاتَكْ كِيفْ الْبُنْيَانْ الْرَّاشِي
والْتَّدْخِينْ قَائِدْ ألْجِيشِي، مَا يَرْضَى بِانْهِزَامْ
دُخَانْ الْسِّيجَارَة وَأنَا:
عَنْدْنَا عِيدْ، تَوَغَّلْنَا فأعْمَاقَكْ مْلَكْنَا نِصْفْ
الْكَبِدْ، وأنتَ بْقَاتْ ليك الْوِقَايَة مَنِّي
أَوْ لاِسْتِسْلاَمْ

شكرا اختي
الغالية
الاستاذة مباركة شكور
على هذا الموضوع
التدخين واخطاره
ومرض السرطان واستفحال علاجه
حفظنا الله
وحفظ كل احبابنا
تحياتي