السلام عليكم و رحمة الله تعالى و بركاته


أياه يا ناسي وليت نكتب الزجل
زعما بغيت ندير عقلي كي الناس و نعتدل
و لكن بان ليا هاد الناس ..ما بغاوش يساليو من الهزل
شي يسخر من شي ..كل شي حامي و شاعل
ما خداوش العبرة من ناس زمان ..ماداروهمش مثل
كثرات فيهم الهدرة القاصحة ..النميمة و الدغل
مي رقية مشات عند العرافة ..و قالتليها جيبي ليا زغبة الحجل
با براهيم قامر و خسر ..هادا غي الشارف الكهل
أما السيمو اللي سروالو ديما طايح ..دار الهمة و الشان
حنتاش كان عندوا الأمل
الأمل باش يغير القدر ديالو ..و يرجع الحلم واقع بالعمل
شاف الضحايا ديال الحكرة ..و خوه اللي بالقهر تقتل
دير بحال السيمو ..و فكر في المستقبل
حتاش الدنيا فانية ..و ماباقياش للأزل