يالجارحني..بالصدى
خلي دمي عل خطرو

يقطر
يالدبحني..بالمضى
قطع سمي وبثرو
وانتر
يالفاقصني
اجي كود واهضر

خليني نوالف بعدا
خلي حليبي

يختر
خليني نشوف
ونبعد الشوف
نشوف حملي
الوافي
وانضر

خليني نسهر
رني غضبان
لا تحاسبني
عفاك ساعفني ياحرفي
جيراني مخاصمين
ف ذاك البقعة


ف ذاك الرقعة
من عروق ولحم
جلد واعضم
دم وشحم

جراني...
لي حدايا بالدات
فراسي وفراس راسي

عفاك ياحرفي
كن بيض
وخيط باليض

دخلت عليك بالخاطر
رني مربوط ف دوك الخواطر
نشوفهم
غير نفرح بهم
وديهم

عفاك لا تخبيهم
راه راه راه
والله وراه

وهذ لعمر فتيلة
الوقت نار تحرقو


الحلم خليلة
اخبث نفسي
تسرقو

ياهل لحروف
دخلت عليكم باليف ..
حتى اليا

تقو بيا
محبتكم فقلبي .
زايدة..زييادة

دخلت عليكم بالي كلامو

مايتقادة
غير قلولي
اشمن غلطة
اشمن فلطة
يلا زلقت الكلمة
الشيطان
شلطة
نفس خبيثة معانا
مامفرقانا

الكلام يتعين الكلام
الكلام يمرض لكلام


الكلام روح لكلام

الكلام لي بغيتو ..
مازال مالقيتو

بثلث وجوه
واحد فيا واحد فهذا
لي خان بيا
ياخر فخوه

الكلمة حرف مع جوج
نقطة
دم سايل
دموع عل الخد
هم ف القلب
حايل

قطرة بقطرة
يحمل لكلام
وامشي مرتاح
ملح..
كل حرف رماح
يبان الغراب ف القنطرة
اعطيه لجناح
الكلمة عسل الكلمة
تسع وتسعين دوا
شان وقيمة
عزة ونخوا

خنجر مخبيه
جوا
الكلمة.ما وتراب

الما يغسل الحق
تراب صراط
واشمن صراط
يبلع ماينطق
الدنيا..حلمة
ف..الخيال
ف..الما

ف الجبل رنب
تجري بربعة

رني لابس بلغة

وساعفها

نشوف ونشوف
ونزيد نشوف
االدمعة
من راس داك الجبل لكحل
هاطلة

من داك العوينة
لي لفوق

الكلام عدو لكلام
لكلام خو لكلام المفضل الياموني 2010..11..12

بقلم صديق نورتنا أيها المبدع الصديق المفضل الياموني، القلم ألم والوجع مكتوب صدق من قال القلم ألم
كل الإحترام والتقدير أخوك المختار بن دغة

اخي واستاذي الكريم المفضل الياموني
كلامك كله معنى ومغزى كلام رائع وجميل

لك أجمل التحيات ومزيدا من العطاء

اخي العزيز
والاستاذ المقتدر
المفضل الياموني
احلى سلام
لصاحب احلى كلام
تحياتي الخالصة
ومودتي الدائمة
انشاء الله

اخي الزجال الجميل المفضل
الشعر مشاعر دمت لشعر
تحياتي
خوك انا

استاذي الرشيد المختار بن دغة اشكرك يا اخي على مرورك دامت محبتنا.. تحيتي الدائمة

استاذي الغالي سعيد محمودي مرورك اصبح اجباريا بالنسبة لي يحفزني كثيرا تحيتي الصادقة دمت ابا لهذا الجمع الزاهر

اختي العزيزة المحبوبة عند الجميع اشكرك كثيرا على مرورك المشجع تحيتي ومحبتي الصادقة دمت طيبة.

سيدي محمد بوخريص ...خوك انا

غدي نعاودلكم وحد القصة .. بلحق حدنا هنا .. ماتكولوها لحد هذا الصباح ديال الحد عماتني نفسي ودخلت لسوق كلت نتسوق شي حويجة مع الدخلة لقيت حولي معصب شاعل كيسب وكيشتم قلتلو السلام عليكم ماردشي عليا
حشمت وزيدت بحالي وانا نلقى واحد اخر شانق على وحد السيد سارف عليه بغيت نفارقهم ..
الحولي صحيح وبوادر كبار تقل عليه كيمارس حمل الاثقال
على جهدي كنبغي نفك يديه من عنق الراجل ماقديتشي .خليت داك الراجل مسكين مشنوق ومشيت كملت طريقي لقيت حويلي سلمت عليه .على عينيه فيا بواحد الشوفة وحد التخنزيرة ندمني علاش دخلت للسوق وبداي يسب فيا قالي لطسيلت باباكم مكاتعرفونا غير دبا ماجاوبتوشي خفت يهرسلي شي سنة وانا نرجع بحالاتي مناقص من لي يدخل لهذ السوق كاع .بنادم يعدفها جرة . والله يحفضكم وتعيدو بالصحة والراحة

الاخ العزيز السي لمفضل الياموني اسمح لي يا أخي إلا قلت ليك بلي وليت مدمن علىقرائتي زجليلتك ومحبتي ليها وانت قلت فكلامك

الكلام لي بغيتو ..
مازال مالقيتو


وانت تنقول ليك الكلام لبغيت لقتو


تحياتي وعيد مبارك سعيد

سيدي الاستاذ السي عبد السلام والله يااستاذي الكبير انك شكلت منعطفا في حياتي الابداعية دمتا ابا لي في الزجل.
اتمنى ان القاك يوما انشاء الله

لكلمة
قربت من الكلمة و هربتي
جمعت لحروف و بوحك هدرتي
حكيت ل ف القلب
و لرحيلك نشرت و جمعت

تحياتي
دامت لك محبة الحرف و الكلمة
منصور لعميري

صديقي الغالي السي ابراهيم الرامي اشكرك عزيزي على اهتامك الكبير بحروفي دمت بهيا وعيدك مبارك وكل عيد وانت بالف خير .

الشاعر المتالق منصور لعميري تحية ابداعية صادقة . دمت للشعر ودام لك . اشكرك اخي على كلماتك الجميلة.ادامك الله بهيا

والان الشاعرة الزجالة تورية القاضي اسمحيلي ان اقول ان رسائلك تحيي في مخيلتي تلك الحروف الميتة
دمت صديقة مخلصة للزجل.وعيدا مباركا عليك وعلى اسرتك الشريفة

صديقي الودود السي منصور لعميري اشكرك على القراءة العميقة للقصيدة ودمتا اخا غاليا علي وصديقا للكلمة الطيبة .لك كل معاني التقدير والاحترام