سعاد ميلي 10.4.7/ زجل مغربي
حْرُوفْ النْدَى يَا الْهَادِي..
[b]
لْبَـسْتْ رُوحِي يَـا لْغادِي
وَ قْصَدْتْ حْـرُوفْ النْــدَى
شِـيخْنَا الكَامَلْ الهـــــَادِي
فْ عْـيـُونُ شَفْـتْ الرْضَـــا
جَــايــَـاكْ قَافْلـَـةْ الطـَّـلـبَة
تـَحْرَثْ بْحُـبـْهـَــا البْــــــلادْ
قَـادْرَة فْ ظْلامْ الغُرْبـَــة
تـَصْبـَرْ، يـَـا وَلـْـدْ الجْـــــوَادْ
بَـابـَـكْ مفْتُوحْ لْكُلْ رَاغَبْ
بَالرّوحْ، وْكَلْمَةْ اللـَّـهْ تَحْمـِـيـهْ
اللِّـي مَا قْطَعْ حْبَلْ لْوْصَالْ
فْ مَكْنَـاسْ رُوحَــكْ تْـجـِـيــــهْ
فْ بَابَكْ قْريــــــتْ السْلامْ
وْ بمْحَبْتـَـكْ نْـحــَـلِّـي صْيـَـامِــي
نْجـِـيــكْ أَنَـا كُلْ عَــــــــامْ
وْفْ رْحَـابـَكْ نَـنْـسـَـى سْقـَـامِـي
طْـيـَـايَـفْ المـِيلُودْ لِيكْ جَايَة
تـْـلـَـبْسَكْ لْـبـَـاسْ الحْــريــــــــرْ
مـَـنْ كُلْ جـِـهَـة وْنـَـاحْـيـَـــة
وقـَـلـْبـِي عـْلىَ رَاسْــهـُــــمْ طِيــرْ
فـْقـْـلـُوبْنَـــــا اللــَّهْ وْ رَسـُـولُه
لَـطْـرِيـقـَـكْ يا بَنْ عِيسَى قَاصْدِينْ
المَـغـْـرِبْ حْـبـِـيـبْ الأَوْلِـيـَّـة
كْـرِيــمْ وْشْـرِيـــــفْ الْــــوَالْدِيــــنْ
وْهذِي نِـيَّـةْ اللِّـي يْــــــزُورُه
مَـنْ سْـنِـيـــنْ بِـيـهَـا مَـحْـمُـودِيـــنْ[/b]
الرئيسية
موضوع: حْرُوفْ النْدَى يَا الْهَادِي.. 
الخميس 22 أبريل - 19:58
