منتديات دواوين الثقافية و الأدبية

احنا الناس المساكين الدراويش
ما بين الناس ما عرفناش كيفاش انعيش

الثوب جديد انهار العيد ما عجبناش
واللحمة عيب يا ولدي عيب ماتعتناش

اتقد اتجيب شحمة واقطيب من تحت (الباش)
ونشوي ليك حتى تشبع وما تبكيش

من صيف لصيف واحنا لفيف نفس لسمال
لابسين لخوف باهت منتوف كاشف لحوال

يا مدور وجهك داير نفسك ما تعرفناش
أنت منا واحنا منك لو ما تبغيش

الحالة كيف اوراق التوت مع لخريف
الخد اصفر من سوء القوت ولحال ضعيف

تا دود القزّ ولا يقفز حيث عاد فراش
نسى ليام وراح بعيد يزها بالريش

من فوق الصور تبان زهور عليها نور
تقول لحنا ياذا المحنة ولِيو اللُور

هنا ممنوع يا وراق الجوع تمشي لوباش
كل منفوض هو مرفوض وما ساويش

احنا الناس المهضومين المغلوبين
مالينا ناس ما بين الناس المحظوظين

منا من عاش يا بلعباس ليته ما عاش
شخصه ممقوت رايم لقنوت وما يعنيش

ومنا شي ما قدر يمشي وبقا منسي
ف ظلام الضيم يجرّ سقيم بلا كرسي

يا من تعقل هذا معقول ما والمناش

يهديك تخل يبان الحل بلا تخديش

اخي العزيز
سعيد المحمودي
مررت من امام قصيدة
الدراويش
للمرحوم احمد زرمون
رحمة الله عليه
فراقني ما قرات
تحياتي
وتقديري

شكرا لك أختي الفاضلة فتيحة رشاد على مرورك البهي ورحم الله الاستاذ الجليل أحمد زرمون صاحب القصيدة

» مسا الخير قصيدة بقلم أستاذي أحمد زرمون رحمه الله و أسكنه فسيح جناته
» راس العين قصيدة للمرحوم أحمد زرمون
» يالقايل عيب عليك قصيدة للمرحوم أحمد زرمون
» إلا الزمان عتر قصيدة لأ ستاذي المرحوم أحمد زرمون
» قصيدة لطف الله الخافي للمرحوم احمد الغرابلي

منتديات دواوين الثقافية و الأدبية

منتديات دواوين الثقافية و الأدبية

الدراويش قصيدة للمرحوم أحمد زرمون رحمه الله