حتَا نْسيتو
حتا نْسيتُو وجَانيْ
كونْ عْرَفْتو مَالي
هَدَّمْتْ كُلْ مَا بْــنــيــتو
مَا عْرفْتْ اشْ طْرا ليْ
ولا حْـــــلاليْ
مَنْ زْمانْ طَلَّـــقــْتو
ونْـــــفِــــــــتو
عاديتو وعادني
هْجَرْتو وهْجَرْني
وكْلامو قْطَعْتو
دْفَنْـــــــــتو فْمُوتـو
وحْــــــــــــــياليْ
خْرَجْ منْ ثْرابو يْلالي
القَاني مَا مْسَاليْ
قَلبيْ هْديتو الثانيْ
ونَا غيرْ شَفـــــْتو
فَيــَّقْ لِيْ عْلاليْ
واشْ الدانيْ
نْشوفو بعْيَاني
حتا يَخْرَجْ لِيْ فاليْ
وخ مَا سَمِّتو
هو ف باليْ
أنا وحْدي للِّي عْرفْتو
مَا نْـــــفوتو
مَا نْسيتْ مَا عْمَلْتو
ومَا فْعَلْتو
ف هْباليْ
مَا أنا شِي والــــيْ
كولْها عَامْرة جْعَبْتو
لاَحَدْ ف القَوم خَاليْ
وللِّي جانيْ حْكيتو
مَا كـــْتَــــمْـــتو
فَنْ قْواليْ
البعليوي عبد السلام
[/size]