شكون فْهمني..


نشوفني نبكي
ونسولني
ما نقدر نجاوبني
القلب اللي جامعني
حيوطو بدات ترشى
وعروقوبدات تنشف
العقل اللي يتفكرني
بدا ينفر مني
وعلي ما بقى يعقل
الراس اللي فاهمني
ما قادر يواسني
ايوا نديرني فْ حفرة
ونتغم
نديرني في ركينة
ونتلم
بلا ما نتكلم
نديرني في بْرا
ونكتبني سطور
نحكي اسرار
بلا اخباري
ونا ماداري
نقراني ونبكي
حروف ودموع
وسط جموع
شوفو حال بنادم
فين وصل..
الغربة سكنتني
مَ الراس حتى الرجلين
والهم صاير يتْكُب
وين الهربة وين
نكُولني كلام
كبير عليا
خارج من قلبي
ومن عينيا
وشكون دّاها فيا
وشكون دّاها فيا
نجاة احسايني 11/5/2014