يا حسراه....

ف الشدة كنت انا لحبيب
وف الرخا رجعت ليهم طْليب
كَالوا لي انت لقريب
ونا معاهم نحس غريب
كُلت نسايرهم ماشي عيب
نْساوني وحطموا لي لقليب
قلبت على دوايا عند الطبيب
كَاليا ...ما عندك معاهم نصيب
سور احلامك دابا يريب
وتعود واكل لعلقم ب الزبيب
كلامو ما هناني خلى راسي يشيب
عفست على نفسي وتمنيت ما نخيب
ف زيارتهم درت الله حسيب
لكِيت راسي ف غابة ذيب
فكرتهم ب الجورة وشرب لحليب
ب ضحكت السنان وتعمار الجيب
ب زين لكلام اللي بيه لجرح يطيب
بان ليا تبدال لحال محال وصعيب
مابقي لي ف الساكْية شريب
ما ها تْعكر ما لي فيه نصيب
شحال بكيت وخاطري ماقدر يطيب
يا حسراه على ايام زمان وزين الترحيب

نجاة احسايني 12/2/2014