منتديات دواوين الثقافية و الأدبية

منْ صُغْــــــــــــــري معروف
مْهْوُوسْ بْ لْحْـــــــــــــــرُوفْ

لْكْلاَمْ لْمْرْدوُفْ مْجدُوبْ عْمَاقي

لْمَعْنَى مْكْشُــــــــــــــــــــــوفْ
بْ لْكْلْمَة مـــــــــــوصــــــــوف

قَلْبِ صْغَيرْ مْسْعُوفْ راقْدْ جَنْبْ سْوَاقِي

نْتْخَيَّلْ و نْشُــــــــــــــــــــــوفْ..
فْ سْمَايَا لْكْسُــــــــــــــــــوف

مْشْغُوفْ ..عْلَى النّسْمَة رَاخِي حْمَاقِي

فِي عَينِي لْسْحَابْ.. كُلْ وَحْدَة بْ خْرُوفْ
سَارْحْهَا قُطْعَانْ نْسْجْتْهَا شْواقِي

نْأَلّفْ و نْغَنِّي
و غْنَايَا مَعْزوفْ

بْ لْبَحَّة و لْعَذْبَة قَالُوهَا رْفَاقِي

مْنْ صُغْرِي مْفْتُونْ
فْ حْرُوفي مْرْهُونْ
سَاكْنْهَا و مْسْكُونْ

بِيهَا يْضْوِي شْرَاقِي

فْ هْوَاهَا مْخْزُونْ
مَعْزُولْ عَ لعْيُونْ

تْلْقَاني مْسْجُونْ أقْلاَمْ وُ وْرَاقِي

انَّادِيهَا يَا حْرُوفي يَا زِينْتْ لْمْتُونْ
آجِينِي بْ لْهَمَّة و لْكْلاَمْ لْمَوْزُونْ
تْجَاوبْنِي بْ لْهَمْسَة كِي ترَمْش لْجْفُونْ

يَا رْبَيبْ لْكْلْمَة آنَا لْحْكْمَة صْدَاقِي

مْنْ صُغْرِي مْشْطُونْ
دَايْعْ بِينْ لْفْنُونْ

عْشََّاقْ لْمْلْحُونْ وُ كْلاَمْ لْحْلاَقِي

قَالو لِي مْسْكُونْ
وصْفُونِي بْ لْجْنُونْ

وَآنَا سْرِّي مْدْفُونْ فْ حْرُو فْ سْيَاقِي

يَاحَرْفِي لْمَحْزُونْ
غَرْقَتْ بيكْ لْ ظْنُونْ

لَ كَانْ عَشْقِي جْنُونْ لاَ تْفْكُّ وْثَاقِي

اخي وأستادي الكريم المبدع عبدالعزيز زكي إبداع موزون وراقي راقني كثيراً شكرا جزيلا محبتي وتقديري

يا صاح طيف شهادتي عل الشهود
مول القلب الصافي مرايا
قواك سر وحكمة من الكنز المفقود
تفاجي همي وتبرد شقايا

تحيتي وتقديري أخي المبدع عبد العزيز،تألق ورقي.

» " كل لحروف ما تكفاني "
» رغى لحروف
» ريوس لحروف
» لحروف عزارا
» لحروف التالفة

منتديات دواوين الثقافية و الأدبية

منتديات دواوين الثقافية و الأدبية

هوسة لحروف