الله عطانا قسمة ///تفيق الانسان النايم///جدورك جدور كرمة ///ولعقل لانشطاين///لاتكون فحياتك بكمة///فالهم تصول عايم///

لكلام الخاوي يورث تخمة
والشراني على كل خير صايم
للصدق كون احبيب بكل كلمة
وعلى جنب الراحة ابقى نايم

رمي للكلب عظمة ///وسدبابك يكون رايم///وجول جولة العمة///ولاهلك سال دايم

شحال سكت و تعذب قلبى

ستنيت كثير و ذاب حبى

وقتاش يبان لحبيب و نشوفو

نسامحو واخا نسى وعدو و حلوفو

علاش ما يطل عليا خيالو

ياك هو ديالى و انا ديالو

اخي الكريم محمد بوبكر اني لجد سعيدة لتصنيفك اللدي يزيدني الهاما .منك اخي تعلمت ومن نهجكم نستفيد.

جرحني ثاني ب كلمة
سكت وداريتها وكاتـم
الكاس فيضـاتو جغمه
اناري هضرّني بـنادم

[b]

كب العسل والما///لداتك يكون راحم///وصانا مول الحكمة ///حديتو علينا لازم ///نبينا نور القمة///هو من بني هاشم ///تعلم تزيد فهمة///وفطريقك انت سالم///كتب ورسم رسمة///عليها ماتكون نادم

يسرني ان اشارك بهده المحاولة المتواضعة.
اللي سد فموما انطق بكلمة
حافظ على نفسو من النقايم
يلا فشيتي سرك تجيك الصدمة
الصمت حكمة من الدايم
اللي سبقوك جربوا هاد النعمة
وحاربوا اللسان بالجايم

خلقت بديتي لحمة***من عطية الله الراحم///وخرجتي للدنيا همة*** بصبرك واصل كاتم ///

ظنيت بسكاتي
نغرس نخلة
مع الدوام
بالصبر نسقيها
تكبر وتعطيني غلَّة
تمرة حلوة بها دوا
تشفي كل من ذاقها
سكت وغرست نخلة
سقيتها بالدمعة
كبرت دفلة
عطات للتمرة لمرار
ذقتها وقلت السكات دارها
اللي خلاّ التمرة مرَّة.

سكت و ضاع منى لكلام

ضاع الامل و ماتت لحلام

بعدما غنيت اعذب الانغام

بعدما ذقت حلاوة لغرام

لقيت نفسى عايش ف اوهام

محمد منار

سكت و ضاع منى لكلام

ضاع الامل و ماتت لحلام

بعدما غنيت اعذب الانغام

بعدما ذقت حلاوة لغرام

لقيت نفسى عايش ف اوهام

محمد منار

خرجت للدنيا زحمة///بفضل ربي الحاكم*ماداري كيف الفقمة ///مع الوقت اصبحت فاهم*مع الاهل فالعصمة/// مطلب مانصبح اثم...

اخى العزيز محمد بوبكر اشكرك على ما جاء فى ردك

العطر من كلمات رقيقة ..الظروف يا احى

حياك الله

محمد منار

باللسان ميزنا الله عل البكمة
انصاوبو لخواطر وانشهدو باللي كاين
راه اللسان غير لحمة
يتبرى منك حر اصمايم
خود مني ياالغافل كلمة
كلشي عند الله باين
كلامك يكون رزين همة
وما يهمك تشفي لغلايل
قابل اعدوك بالبسمة
ولسانك ربطو اربيط البكمة
راه الصبر قبل اسكات حكمة
ياللي في هم الدنيا هايم