من حقك انت و انت ...

تقول مغربي أنا*

إلى كنتي صحراوي

أنت الصبر و النخلة

و براد مشحر بالڭانة*

خويا الشرقي المعورف

بالشهامة.

و صدق الكلام و رزانة*

و إلى بغت تعرف ولاد الشمال.

و تعرف ولاد الوطا

و سهول و جبال.

سولني عليهم انا*

نڭول ليك عليهم

ناس حب الخير و الوفا

و الأمانة*

و قلب بلادي هو قلبي

زور ربوعو و تمتع

بمناظر خلابة

و سربة خيول و خزانة*

المغربي هو المغربي

المعروف عليه الكرام

و الشهامة و الفطانة*

المغرب بلادي

حنا وتادوا و هو خيمتنا

و هو غطانا*

الكريم بجودو جاد علينا

بطول بحر.

و صحرة برمال دهبية

و جبال الأطلس المكسية

بثلج و ربيع و زهر.

و كرم من كل تمار.

و نخلة الواحة.

و ليمونة و تفاحة.

و كرمة أرڭانة*

و سهول بخيرات طافحة

بوديان تجري و الحاسد مالو؟

ياك الله ألي عطنا*

[center][b]