منتديات دواوين الثقافية و الأدبية

سيد الرجال

يا الدّاخل للدّار بشمالُ وسكّر قالبْ
جيوبْ خاوية متقْلة بنصْ ريالْ
غاوي الطْمعْ وفراسُو قْوالبْ
وزينْهُم شْمْس توْنّْسْ الْهلالْ
عمّْر الطمْع ما سْيِّلْ لْعَابِي
وسيد الرجال صنعةُ تغْنيهْ
خْزينةُ فقُبْ جْلاَّ بِي
ما يضيعْ ريالْ ما نتحاسْبْ عليهْ
لو كانت لكْ حرْفة وما فخيرْكْ شِيْ
من شفَارِي نطْرزْ لك قرابْ
بصنعتكْ نتباهَى ونديرُ لمواشِي
تْعودْ الزريبة منْْوْرَة بالحبابْ.
الرَّاجْل اللِّي يكُولْ لي جدْ وجدودْ
فليلة عْمية يفنى مالُ
سهرانْ فلْقْمْرْ بلا حدُودْ
من تبديرُ نسَى حالُ
ما ينفْعُ بُوهْ وْلا حْمْرْةْ لخدودْ
المْكْيْدَة عْقْلُ وْهْبالُ
مراتُو تفْصّلْ بْحْريرْ الدُّودْ
وْ تغْرْبْلْ الدْقيقْ منْ نْخَّالُ
توْكّْلْ وْتْلْبّْسْ وليدها محمُودْ
راضْية بالزْمان وبْهْوالُ.
ويا للِّي كابْر من وسط لفشوشْ
منْ حْبْهُمْ نساوْ يْعْلموكْ الصّْنعَة
تعرّي لكتافْ وتشْبّْعْ لْكْروشْ
يْدِّيكْ فْنْ ما هِي زايْدة عْلْ الضّْلْعَة
يخلْفْ حْلالْكْ وتْوْلِّي مبشوشْ
تعودْ ليكْ شْمسْ غْزالَة ماشي ضبْعَة
بنت النَّاسْ وتْرْبْيِّةْ مِّي عْبُوشْ
سيدْ الرْجالْ عِينيَّ وْ مولْ الدّْمعَة.

تحياتي للرجل بصفة عامّة
والرجل المغربي بصفة خاصة
نزهة سمالي

قصيدة جميلة فيها معاني لك التوفيق الاخت نزهة سمالي

نص جميل بطرحه الطريف
بورك في يراعك الجميل
تحيتي

إبنتي العزيزة نزهة السمالي

بورك حرفك وسلمت يداك

حفضك الله

مودتي

لا أستطيع ان اقول شيئ الا اننا نحن
آل الزجل نستطيع ان نرى الاشياء بعين ثالثة
قصيدة جميلة
لكن هذا لا يعني أنها تثوي في دواخلها بعض المجازفات الزجلية
خاصة من جانب التقفية التي تحتاجين فيها ــ على الاقل في هاته القصيدة ــ الى مزيد من التدقيق
عثمان حسيني
زجال الصحراء

ربما سأبدأ من حيث إنتهى كلامك
بنت الناس
طريقها صافية بلا وسواس
حروفها حافية
و كلامها معدنو نحاس

تحياتي أختي نزهة سمالي
منصور لعميري

شكرا لك أستاذي المبدع و الزجال عمهم
تحياتي

أستاذي عبد الغني الراقي
كلامك دائما راقي
شكرا على مرورك
تحياتي

إلى الأستاذ سعيد محمودي
لك كل الإحترام والتقدير
شكرا على مرورك
تحياتي
نزهة سمالي

أخي زجال الصحراء
شكرا على الملاحظة
دمت مبدعا

أخي منصور لعميري
لكل نهاية بداية
شكرا على مرورك المتواصل
تحياتي لك أخي

سيد الرجال
بحثنا عليه هضابي وجبال
حتى ياسنا
وقلنا موحال
لقيناه
وهنا ابدا لكلام
كان جالس
بجنب دار بنت سوسية
مزينها بقدام
بخلخال منقوش
وسبنيا في فوق راسها
دايزها لكلام
سولتو باش نعرف لسؤالك لجواب
رد علي في الحين وقال
سيد الرجال
بلغي لحبيبتي السلام

تبارك الله عليك
يا للي قاست لهوال
ليوم لمثالْ تضربو بيك
بيدّْك ردِّتيه سيد الرجال
تحياتي

اختي الفاضلة نزهة

لقد قرأت اجمل شىء يمس شغاف القلب

شكرا لك على كلامك الرائع وانتقائك الجميل.

إلى الأخت
أمينة منيب
الشكر لكي
كلام جميل والأجمل هو مروركِ
لكي كل التحية
نزهة سمالي