جدرْ لكلام من السوق

ولدْ السوقْ موثقْ وعندو لفْياقْ
ماهرْ عقيلْ رجيحْ بنْباها وحْدقا
عاشْ محنتْ لهضورْ ودفعْ صْداقْ
تزوجْ لكلامْ ف عْماقو ب حْمقا
ما هضمها الفايقْ ف لوراقْ
وثقْها ف كناشو وحسبْها زندقا
ضاقْ ب كلامْ ألاصَقْ ف زْناقْ
وعزَلْ الحرفْ وحرقْ الماضي حرْقا
بين البارحْ واليوم دارْ فْراقْ
وحْطبْ حطَبْ نارو مْعلْقا
صًدْقاتْ طرافو زَلْقا تزْلاقْ
ما شافْ برْماقْ ما رْمقْ رمقا
ما جالْ ف حلْقة ونْساقْ ف رْواقْ
ما سبَقْ سبْقا وحدّقْ بعينْ رايْقا
ما اجمعْ كلامْ وحْروفْ نْزاقْ
ما فهم السوقْ والساقْ فينْ إتْساقْ
ما عشَقْ وتْعشّقْ كلامْ العشّاقا
ف السوقْ كانو عُلمَا وعامة ودْواقْ
سجيْتْهم ف لَمْنابرْ ضاوية ف الأفاقْ
وكْتبهمْ شاهدة عل لَبْقا

............
وتيقولْ المثل شحال من جليسْ حنّتْ عالمْ