سولونا بعض الناس عن الزجل وكان جوبنا كيف شفناه

الزجل ماهُو ملك لْحْد
............

الزجلْ ماهُوملْك لْحدْ

هَمْ موْهوبْ سبحان من عْطاه

ما أوْرثْناهْ منْ بُو ولاجَدْ

تخَلْقنا وفدوَاخلْنا صبْناه

نواعرو شَلا إكَدكْ تعدْ

والزجل فين تولدْ مَولاه

فيهْ إنفَّسْ محاينْ قلَّتْ جهدْ

وللي جا إكُولْ حْصْيناه

الحرفْ للي ما إسَوي خوهْ منو بَعد

معنتو مجليا ف خْواه

القافية ف حولْتو بِها يَعْقدْ

من غيرْها مضْمونو ودرْناهْ

وللي ما جاريناهْ لايحْسبْها ضَدْ

اللغا فيه وفيه وكلها إلغي بلْغاهْ