منتديات دواوين الثقافية و الأدبية

ألْلسَانْ

يا ألْلسَانْ يا مَعْدَنْ ألاحْسَانْ
بيكْ الناسْ ثَبانْ
إلا كَنْتِ مَزْيانْ ترْفَعْ شَانْ
أنتَ مَسْك أ ريْحانْ
وِلاكَنْتِ ماكَرْ شيْطان
ف قْلوبْ ما عَنْدَكْ أمْكانْ
*******************
وأنتَ يا ألْساني
طَوَعْني عَفاكْ
أعْبَرْ أوْزَنْ لَمْعاني
لي سَمعْني ما إنْساكْ
بَيّضْ وَجْهي بَيْن اقْراني
جعَلْ لَحْبابْ تَقرّبْ لَحْداكْ
أرْفَعْ قَدْري أرْفَعْ مْقامي
*******************
يا اللسان
*******************
سَلّكني منْ أقوالْ الناسْ
لاتَدِيها ف اللسُونْ الفاسْدة
بيكْ إرَفعوني فَوْق الرّاسْ
إقولُو الله إرْحمْ الوالْدة
كونْ راحتْ ذاتي كونْ الحْياتي الْباسْ
مادامًتْ رُوحي واجْدة
********************
ياللسان
*******************
ف أجْماعة لا تْنَنمْ ف الغيرْ
لاتَشْعلْ نارْ كنْ مفْتاحْ الخَيرْ
لاتْكونْ طَويلْ أدهَنْ السيرْ إسيرْ
لا تَؤولْ لا تَسْبَغْ طَيْر
سدِّي وسْداوة تكونْ حَريرْ
لاضرْ كبيرْ لاضرْ صْغيرْ
********************
يااللسان
**********************
إلا كنتِ سْلاحي وَقْت الشدّة
نوصيكْ خْطيني منْ لمْجحْدة
خلي لَمْعَنْدة خلي المْواخْذَة
بَرّدْ لعْصابْ الوًاقْدة
لاتَدْخَلْ شْبوقْ ولا أسْواقْ جامْدة
أغنَمْ لمْسايَلْ الجادة
*******************
ياللسان
******************
إلآكنتِ قاضي بيْن لحبابْ
أنْطقْ وصْلَحْ بَلي إليقْ
سَوي بينْ لبْعادْ سَوي بين لٌقرَابْ
العَدوْ إرْجعْ صْديقْ
تنالْ أجَرْ تْنالْ ثوابْ
أربي بيا إكونْ ارْفيقْ
********************
يا اللسان
*******************
لاتوًرّطني فما لايَعْني
نوصيكْ بالحَمْد وشكَرْ لْرَبي
بَصلاة عَلْ النْبي عَمّرْقَلْبي
الحَمْد ف أكْلي وَشْرابي
واسْتَغْفرْ الله فَكُلْ أوقاتي
أبَشْهادة يوم أتْكونْ ذاتي ف ثْرابي

يا اللسان حسب حروفو
و ما تنقص ما تزيد في الكلام

تحياتي
منصور لعميري

السلام عليكم ورحمة الله تعالى وبركاته

أخي واستاذي عبد السلام البوعليوي

شكرا لك أخي على هذه القصيدة الجميلة والمعبرة

قال رسول الله صلى الله عليه وسلم

وهل يكب الناس على وجوههم

في النار الا حصاد ألسنتهم

بورك بوحك أخي

ياعالم الحال بْلخير اخْتم
نتْعافى ونرفق بْلسانــــي
طْلْقت لجامو و حْرن و زْعـم
نْفرُو حْبابي وكْثرُو عدياني

الـجّْمل حاقْد و مْنّي تْعلّم
وياحسرة لسانو اطْول من لساني
وما يقدرش قدّامي يتكلم
ويلى كٌْلت ليه بْرْكْ مايعصاني
يْثني لهمامص ويطوي ويتْكْلْكْم
بحال بُوعْبولة وْ راسُو حاني

وحتى الكلب علمتو كيف يحشم
و رْدْعْت قلّة حْياه بْلساني
ويلى نْيّْبُـو لساني كَيندم
ويلى صفّر ليه يْجي يسعاني
ويلى كٌْلت تْشابْلو يْسيّل الدم
ويلى كٌلت ليه توز يْفوت مكاني

بين لمْضا لساني بْدون عْظم
ويلى تْعظّم شْكل ثانــي
إيلى ما شْـتّت يجمع و يْلم
ف الشر والخير زارع و جاني
إِمَّا ثعبان يمحق بالسـم
محصّن بين ضرسي وسْناني
إِمَّا شهدة وْ رِيقُو بْلْسم
و بحرف أو حرفين يرفع شاني

يا عالم الحال بالخير اختم
عْطّش جوفي ينشف لساني
*****
أخي السي عبد السلام
أشهد أني لم أسمع من لسانك إلا الكلام الطيب
دمت عزيزا وطيبا

السلام عليكم و رحمة الله تعالى و بركاته

نظرا لجمالية القصيدة و عمق معانيها

إرتأت إدارة منتديات دواوين الثقافية و الادبية

تتبيتها لمدة أسبوع كامل

تحياتي

شكرا لكل الاخوة الذين مرو من هنا جزيل الشكر ومعذرة إن تأخرت عن الرد
لكم كل الاحترام والتقدير

منتديات دواوين الثقافية و الأدبية

منتديات دواوين الثقافية و الأدبية

لسانْ