هاذي احكايا
نحكيها ليكم
انايا راجل من الرجالة
على لمرا سباب اشقايا
لمرا عندي عزا زين اعليها اجماعات
ولدتها امها حدى الترمنيس اديال الطوبيسات
في الدار جامعا ليال لعيالات
مقابلا هارفيسات ها الكديدات
قهرتني
وفي عوض خدمة نخدم جوج خدمات
مزهارة اتجيب التوام كل ما ولدات
ابفيت نتفرق امعاها
ولكن بالمدونة فاقت والحقوق عرفات
ولات دايرا فيا ما ابغات
حتى لماصابت ماادير اتدور على الجمعيات
لخياطة والسيراميك والطبخ كلشي اتعلمات
ولا تمشي الحمام من الحمامات
اتبعتها وليا ماقشعات
القيت جوقا فيها غير لعيالات
قلت ها ذي جابت غوتة من الغوتات
القيتها دايرا جمع عام لطيابات و الكلاصات اه بغيت انقول والكسالات
وعلى ذكر لكلاصات
واحد انهار لقيت لمرا في الدار ابعال لعيالات
كلت انخرجها حيث هذا شهر الكونجيات
حنيت فيها وهيا فيا ماحنات
طلبت اكلاص من لكلاصات
بثمن تلث اعشاوات
ارفضت ولمرا غوبشات
قلت ليها واش انمتعك انتيا
ونخسر فلوس لوليدات
غيرت رايي وضغيا اتبسمات
افرحت الفرحها وخا اخسرت افليسات
لمرا السوسة دايرا في فمها ما ابغات
العضةالاولى ولكلاص الصق في سنة من دوك السنات
غوتت غوتة من الغوتات
اتمرمدت في الارض واتجبدات
والناس دغيا اعلينا اتلمات
وناري شفت شي عيالات
امزيناتهم بشعور مقطعات
كلت امي اعليا سخطات
هاذوك النساء الحقوقيات
يمرمدو فيا وهي والله اما نطقات
ولا فيا فكرت وخمات
لابينانص اللي ماعمرها في الوقت ماجات
ودغيا وصلات
هي هزوها لسبيطار من اسبيطارات
ودارو ليها الاسعافات
وانا اسطافيت ليا رفعات
وانا اتلحيت في كوميسارية من الكومساريات

لقيت كوميسيرة وبوليسيات
ومحامية عليها توكلات
ةكصرة الاستنطاقات
غوت وناري حقوق الراجل امشات
لمرا لجميع المتاصب احتاكرات
راه احنا اللي خاصنا اتقلبو على الحقوق ماشي لعيالات

اتصرفيقا وحدا نيفي رعفات
والدمايات والله ايما كفات
وضربتني الفايقا
ولقيت مراتي الزوينة لعزيزة
ركلتني بركلة من دوك الركلات
وعرفت بانه لمرا اتنصفات ولحقوقها عرفات


مع احتراماتي وتقديري للنساء الجمعويات

ههههههههههههههههههه
والله رائع اختي الغالية
فتيحة رشاد
استمتعت بهذا المونولوك
كل التحيات والتقديرات ابعثها لك
اختكم حكيمة سعد العمري

شكرا للاخ الكريم
والاستاذ الجليل
ابراهيم الرتمي
على المرور والتعليق
تحياتي
وتقديري
اختك فتيحة رشاد

شكرا للاخت الغالية
حكيمة سعد العمري
على تواجدك بين احرفي
تحياتي وتقديري
اختك فتيحة رشاد