عنْوانها ف حْسابْها

هُما عِصابة وِلا هَجْمو بْحالْ الصَابة للي طاحُو عْليهْ إمَحْنوهْ وِنَفْخوهْ وللي حَبُوهْ إخَدْموهْ
عنْدهُمْ هادْ القاعِدة قْديمة وللي أبْغاوْ فيهْ الخَدْمة إحَقْقُو ليهْ الحَلْمة
طاحَتْ عينِهُمْ علَ واحَدْ لَمْكَّرَّدْ عادْ جا الدنْيا حافَظْ الشَّادة والفادَة وتَيْقَلَب عل البارْدة
قال ليهُمْ انا فْعارْكمْ ومْزاوكّْ فيكُمْ نْكَّلَبْ ليكم الارض وب حْسانْكمْ نْحرثْ وعليكم الامانْ نْسكنْكُمْ ف قلبي قبلْ لَبْدانْ
ومنْكم وليكمْ تْكون فيكمْ الكايْنة وللي تْكُونْ قبلو الشرطْ وزمْمُو الحَرْف عل الخطْ
سارو عل هادْ الحالْ وهوَ عنْدُ مَنْوالْ ثاقوُ فيهْ وعْطاوهْ راسْهُمْ بللي فيهْ كَبْروُ معاهْ هُما خُتو هُما كْبدْتو ولاعَنْدُ حقْ الملاكْ ف مَلْكُ داخْلين ب لَحْسابْ خارْجين ب لَحْسابْ واحَدْ النهارْ دخْلُ الغَشْ وكَبْراتْ الكَرْشْ وتْكبَّرْ وتْجبَّرْ ولا إصولْ وِكُّولْ عَرْضْ وَطولْ حتى شَتَتْ شْمَلْهُمْ بينْ اصحابْ وشْرابْ
ضَبْ واصْبحْ اللهْ كْريمْ
ولا إقَلَّبْ عل دَرْهَمْ مَنْهُمْ

دوزت من هنا وقلت لهلا يدوار بينا يدين الا يدين الخير...حفضك الله سيدي عبد السلام..

اخي العزيز
والاستاذ الجليل
عبد السلام البعليوي
الله يحفظنا من دواير ازمان
ويكتب علينا مكاتيب الخير
والزمان رمانة امغمضة
واحد ايكون غاني وولي افقير
والعكس صحيح
والله يحفظنا من الناس
اللي يحضرو مع الفلوس
وغبرو مع الافلاس
اما الطماع
اكبير الكرش
نفاختو كد ما اتنفخت اتفش
شكرا على البوح الجميل
تحياتي الخالصة

أخي وأستاذي الغالي البعليوي عبدالسلام لم أعرف كيف فاتتني هذه القصة الزجلية المعبرة أبيات جميلة ومشاركة متميزة أرجوا المعدرة أخي
دمت بأمان الله ورعايته