اصبح صباح وغَنوْ طْيور ف لمْراحْ وَكلها وصْبَاحو زروني اصْحاب الاحصا (ء) زعْزعُو لْغرصة وفرْشخو الدفة ب الخلعة جمعت لوكَْفا حليتْ الباب القيتهم هازين كنانشْهم ولمْقدمْ معَاهم شار ليا بديه هذا هو للي عندو المتاع ما إخرج عَشرْ ما إدوقْ الجار كُولْ لينا اش عندك ف هاد الراس جينا نكَنْشو لعْثوبْ وللي عندك ف صنادقْ محسوبْ ف كناش ضريبة وضريبة حق الناس ولا تْراوَغْنا ولاتكذبْ عنا وخلّصْ نْكاسْ
أبديتْ نسْردْ لي ف راسي وربي عالمْ باسي
20هكتار وعشرة ت لبْيارْ عندي ألف شجرة وتابْعها لَخْرة عندي 30 كوري مقابلهم عشرين دري
عندي 20ألف مشماشة إلا ولداتْ نولي من اصحاب لْباشا عندي ف لمْدينة خَمسين مكينة وطاحونة تْفرينة عندي سُكنة مْفرشة ومْعها حمامْ ورشاشة عندي فهاد الراس شلا وسواس
كَالو ليا كنْتِ مْخَبي و ما صَرَّحْتيشْ غادي نَتْفو ليك الرِّيشْ
سولو لمقدم كَّالهم هادشي لعاودْ ليا إلا اربحْ فتيرْسي
.....
واحنا شغْلنا إخلَّصْ ويَشْكي

ايوا السي عبد السلام البعليوي خلص عادا اشكي
اش اداك اتعود وانت مزال مااربحتي
غادي انعود ليك واحد القصة
واحد ضاقت بيه ليام
اعطاها لتخمام
بان ليه التيرسي اوكان
كال انجرب حضي
لعب واربح
ساعتها اترفح
اول حاجة فكر يتخلى عليها هي لمرا
جا لدار جرى على لمرا
افرح واتهنى
كال منحوسة من انهار شفتها مشفت ارباح
اجبد احوايج انهار لكبار
البسهم اتانتك وتريح
ولحوايج لقدام شعل العافية واحركهم في لمريح
اجمع النوضة
كال نمشي نتخلص
لقا جيبو خاوي مافيه ورقة
احركها مع لقدام وهو يتسطى
تحياتي استاذي العزيز
عيد السلام البعليو
مودتي

هههههههههههههههههههههههههههههههههه والله العضيم يا استاذي ما يميزك هو قلبك الكبير الذي لا يعرف.الا النكتة والمحبة للجميع اشكرك استاذي سيدي عبد السلام.الله يحفضك اسيدي وخلاص

أخي وأستادي المحبوب البعليوي عبد السلام قصة زجلية معبرة شكرا للإ بداع والإ متاع

تألق ورقي دائم انشاء الله

كلها وصباحو
وكلها وكيف ينذب على الخسارة
وكلها ووين اخزن فلوس رباحو
وزاد اعقد حزام الشطارة




سرد بذفء ودعابة حمراء , ونكتة ساخرة , حين يمنع المرء من الالهام , والاستجمام في بحر من الاحلام , برجال يلاحقون سريرته في سريره , خثم للسرد بغاية الروعة على غرار سياسة الكاوبويز , خلص وسير اشكي , منتهى الابداع الساخر الاستاد عبدالسلام

سي عبدالسلام...إو إلى تا خلصت بصح وكلست على الضس غير قرا قصيدة "لمرا"صباح أعشيه باش تحاول علك شويه را إلى قالك المخزن خلص وشكي را هي غتقول لك بعد علي لهيه أبكي.

أستاذنا المقتدر البعليوي عبد السلام ،أتحفتنا، لك كل الشكر والتقدير والإحترام.
مودتي الخالصة.
فتيحة المير.