منتديات دواوين الثقافية و الأدبية

طايح في دوامة

طـرق الحب طرقـــة بــــاب داري ******* دق قلبي دقة ملكني الخـــوف

تهت تخلط ليلي بانهــاري ******* داير في حيرة عايش مكشــــوف

غمضت عيني واستحليت سريــري********دق دقة وزاد دقـــة قلــت أوف

سد باب وافتح باب شعلــــت نــاري ******** زاد في العناد خلاني مرجـــوف

صدى صوتوا بغى العشرة وادراري ******** قالي راه الشوف ما يبـــرد الجــوف

أنا معاك خايفة يدبل زهري ونواري ********** مغيارة من شوك الورد فاجنانك ألــوف

قلبي بحر ما تعرف كل اســراري ********** فتح قلبك تقر خطي يصيـر معــروف

قطعها هبـرة تبر تسـري ********** يهنى لخاطـر ويخـوى الجــــــوف

خايفة من اللسان ونـاس دواري******** طاب قلبي بشحم الكبدة صـار ملفـوف

دخلات ريحتو لـدار جــاري******** خايفة من لهدرة و لمزة الشــوف

خاف الله واحفـظ عــاري******** يحفظـنا العفـو الـرؤوف

إلاقتلت حبك تيـه فالبراري ******* تعيش كســوف مظلم خسـوف

كولشي شفناه حتى لعـب دراري ******** ضرب في صح شي طال صار مألوف

حلمنا ونسينا رواحنا واللي طـاري ******* ما دفن حبك راه بايــــــن مكشـوف

إلى قتلتيه ضيــع وتيه فالبراري ******* تعيش كســـوف مظــلم خسـوف

تلقى لكواري واحضي حيط السواري******* الدنيـا غير لعبة كــون فيلسـوف

خايفة ينشف عبيرك زيت في ناري ******** راه لعمر قصير يقطع سيــوف

حسن داودي

بسم الله الرحمن الرحيم

السلام عليكم و رحمة الله تعالى و بركاته

أستاذي حسن الداودي

شكرا أخي على القصيدة الرائعة و المعبرة

و الله أمتعتني أخي

بالتوفيق

محمودي سعيد

» دوامة أوجاع
» شوف تشوف طايح فدوامة