دازت سوايع طويلة...فيها الفرحة قليلة
هديك خبار لقبيلة...لّي بينك وبينهاصيلة
الدنيا ما التّيق هبيلة...خاوية وبلهم تقيلة
ولّي فاتك بليلة...كٌالو فاتك بحيلة
...
شفتو غادي محتار...والضيم باين فيه
تالف هد العطّار...والفرخ طاير ليه
واراكب عالحمار...وراه يقلّب عليه
....
ومالك على هد لحالَة...مالك غادي وتعواج
مادّير راسك فنخّالة...وكٌاع ماينقبك دجاج
أوَ قابل الصالة...زعمَ يكٌولولك الحاج
حالتك ماهي حالة...وراك شاد الفيراج
...
اوْبكر نهار الحد...اوبدَ يحفر بفاسو
كٌالو كنز فالسد...كٌال يصرفو بقياسو
حيت الشر مايجبد حد...غير لي جبدو لراسو
...
او شرَ مرّارت لغراب...كٌالو لايضرّوك
مزال تكتب حجاب...حيت الكنز مشروك
فالتالي طلاها تراب...لا ديدي لاحب لملوك
...
او بلْيَ واشمن بليَ...ياك يا الزهر لغدّار
لوكان بغاتك الدنيا...كّاع ماتْولّي عطار
سّاع لكٌنازَ حاميَ...ولميِّت فيها فار
...
فالزناقي قيّال ايدور...واش ايدير واهياوَ
خاصّو شْوِيّا لبخور...خاصّو حضرة بكّناوَ
ملّي كايطيح التور...عاد يقواو الجناوَ
...
مرتو غاد وجارّ...شال بلية موراها
مالك هكد يامرَ...الدنيا الموت وراها
الزين فالدفلى وحارّ...كيفاش تشرب من مها
...
هو معاها مسكين...يهبال يحماق عليها
خاصّو إلى يْكون رزين...امّ خير منها يدّيها
كاتلوا تعلى العين...الحاجب عالي عليها
...
إوَ نس لي ينساك...نوض جري وجاري
شوف غيرها ترضاك...الدير معاها دراري
لكلام راه معاك...ولمعنى على جاري
...
وناض سافر لفاس...باغي يقصد لجواد
خاصّو يعاود فالساس...إلى باغي لولاد
ولّي كايتقطّع بلفاس...راه كايدّيه الواد
...
يالّي داير لكحل... داير فلعطّار حالة
مالك كٌّالسة فالضل... كٌُولي واه ولّ لا
راه لي فراس الجمل...كاين فراس الجمّالة
...
كٌُالو وحدين عيساوة...ويدير الليلة تمْ
كٌُالو لخرين كٌُناوة...وهومن العم يحشم
راه مسبّق لهراوة...او مزال ماشرَ لغنم
...
هاهو ناض فصباح...هاهو عكل او طاح
خاصها النّيت صحاح...خاصها وحدين ملاح
راه الكلب النبّاح...مايعض مايرتاح
...
مبقاتشغير فلهدرة...إلى كان القلب غافل
عنداك تكٌُول ياحسرة...مايكٌُولها غي لّي غافل
يا لمزوّق من برّا...آش خبارك من داخل
...
لمرة صافي فلكوزينة...تعشّينا دجاج وحمام
باين تابتة ورزينة...بلحشمَ وقلّتْ لكلام
الحاصول لالّ زينة...وزاها نور الحمّام
...
وْحضر ّ عمّو بورزّة...دخل بالشطحة والركزة
راه باقَ فيه القفزة...مايفهم غير بالنغزة
كٌُالولو الحر بلغمزة...ولحمار لي بالدبزة
...
وهد بورزّة من لحباب...جا وجاب صوابو معاه
يرحم لي جا وجاب ...واخّ الدّيسير نساه
غضّب العطّار بسباب...جايباركلو وعماه
...
إوَ لحالة مزيان...وتجمعنا على أتاي
كلشي مقدر ميزان...خاصك تقنع يا خاي
واش خاصّك يالعريان...لخاتم يا مولاي.
[b]

أخي وأستاذي المبدع محمد بوبكر
مرحبا بك أخي للمرة التانية في منتداك منتديات دواوين التقافية والادبية
استمتعت أخي بارك الله فيك ولي عودة للموضوع
شكرا لك مع كامل تقديري واحترامي

الشرف لي استادي العزيز
كما ان استقبالك لي وكلامك الطيب حافز سأتشبت به
شكرا كل وللمنتدى الراقي جدا
لك مودتي وتقديري[b]

دازت سوايع طويلة...فيها الفرحة قليلة
هديك خبار لقبيلة...لّي بينك وبينهاصيلة
الدنيا ما التّيق هبيلة...خاوية وبلهم تقيلة
ولّي فاتك بليلة...كٌالو فاتك بحيلة
...
شفتو غادي محتار...والضيم باين فيه
تالف هد العطّار...والفرخ طاير ليه
واراكب عالحمار...وراه يقلّب عليه
أحييك أخي المحبوب محمد بوبكر على هذه الامثال الزجلية وعدتك بالعودة وانا الان استمتع بها من جديد
لك كل التقدير والاحترام

أخي العزيز سعسد محمودي
عدت بعد غياب وكلي اشتياق لك وللمنتدى الحبيب
شكرا لكل سندك المتواصل
تحياتي لك وتقديري

سوق النسا سوق مطيار
يا الداخل لو رد بالك
يوريواك من الود قنطار
و يديو ليك راس مالك

سافر تعرف الناس
و كبير القوم طيعه
كبير الكرش و الراس
بنص فلس بيعه

لا تسرج حتى تلجم
و اعقد عقدة صحيحة
لا تتكلم حتى تخمم
لا تعود لك فضيحة

يا الي تعيط قدام الباب
عيط و كن فاهم
ما يفسد بين الاحباب
غير النساء و الدراهم




شكرا لك أخي محمد بوبكر على هذا الكشكول من الامثال الزجلية تحياتي لك أهلا بعودتك [b]

لك تحياتي العزيزة أسماء مثلا ولكل أهل الصويرة
شكرا لتفاعلك المتميز
مع احترامي لك وتقديري

شكرا للاستاذالمقتدر
محمد مومر
على هاته الامثال الرائعة
كل التحيات والتقديرات
اختكم حكيمة سعد العمري

خاصنا جلسة فيها اتاى
نسمعو انغام العود و الناى
اخي العزيز محمد بوبكر جميلة هي امثالك الزجلية نتمنى المزيد
محمد منار

اهلا بالاخ الجليل
محمد بوبكر
اشتقنا الى حظورك
والى مساهماتك
اهلابك
بين احضان منتداك
واهلابك بين اهلك واخوانك
اشكرك على الزجلية الجميلة
التي تحمل معاني سامية

تحياتي وتقديري
اختك فتيحة رشاد

ابراهيم الرامي كتب:

المبدع الجميل محمد بوبكر
رائع ما أبدعت هنا ...أكثر من مائة مثلة ومثلة ،في طابق زجلي ممتع
دمت متميزا ومبدع متالقا
مع كامل تحياتي

الغالي ابراهيم الرامي
الجميل في صفحتي هو مرورك الرائع
والله لقد اشتقت لإبداعك الراقي
شكرا لسندك المتواصل
لك احترامي وتقديري

رائع أخي محمد بوبكر شكرالك

من دواعي سروري أكتب لك كلمات تعبر عن ماأشعربه

وعدتك أخي الكريم محمد بوبكر بالعودة وانا استمتع مرة تانية بهذه الامثال الزجلية الرائعة بارك الله فيك أخي

أهلا بصديقي محمد بوبكر، قد أسقيت ضمئي
وشربت بما فيه الكفاية كي أتابع رحلتي بعيدا
في صحراء قاحلة ، معزتي لك أخي.