منتديات دواوين الثقافية و الأدبية

الحادكة

حادكة زينة مسرارة

ماعندها مسكينة زهر

كّرانتها تزوجو وهي زهرها ما ظهر

كاينة لي ما توصل لزينها

تجوجات وتزاد عندها طفل

واش العرسان ماحسو بيها

ولا هي سادة الباب

ما خلات الضو يدخل

شحال من صنعة تخرج من يديها

ومن الشقى ما كتمل

سبحان العالي لي عاطيها

زين وحشمة والخد حمر

حادكة وزينة ومسرارة

وما عندها مسكينة زهر

تسكي الما من العوينة

وتفيق في الفجر

حامدة الله ومآمنة

كل ما تعطل حقها في هذ الدنيا

غدا الخير يوصل

الزجال
محمودي سعيد

يقول المثل المغربي
سعد الزينة قدّ الموزونة وسعد الخايبة قد الميدونة
ــــــــــــــــــ
أخي سعيد محمودي
الموضوع جميل
ألف شكر لك على طرحه
تحيتي ومودتي

أخي وأستادي الغالي عبد الغني الراقي

أشكرك أخي على الرد الجميل و المثل الرائع

و أحب أن أشاركك ضحكتي عنما قرأت هذا المثل

الزين زين وردة والسعد سعد قردة

بورك مرورك

مع إحترامي

حروفك حادكة
و لقلم عليها ما صبر
حلف ليمين باش الورقة تعمر
و تكون قصيدتك علينا شي مقدر

تحياتي أخي محمودي
منصور لعميري

أخي الفاضل منصور لعميري

أشكرك أخي على الرد الجميل

وأشكرك كثيرا لإخلاصك لهذا المنتدى

بوركت أخي

تحيتي

أخوك سعيد