منتديات دواوين الثقافية و الفنية منتديات تعنى بالأدب والثقافة والفن.
 

 

 قلت ليها وقالت ليا

اذهب الى الأسفل 
كاتب الموضوعرسالة
مصطفى امزيل
عضو فعال
عضو فعال
مصطفى امزيل


المدينة : المعازيز اقليم الخميسات
عدد المساهمات : 187
معدل النشاط : 301
تاريخ التسجيل : 18/04/2012
العمر : 70
الموقع : dawawin.forum.st

قلت ليها وقالت ليا  Empty
مُساهمةموضوع: قلت ليها وقالت ليا    قلت ليها وقالت ليا  I_icon_minitimeالثلاثاء 15 مارس - 1:29

بعد ما اتخطات الخمسين
قلت ليها .
واش ما زلتي على العهد لقديم
ولا راكبة الركب لعديم
قالت ليا.
كنا يا الراجل وكنتم
واليوم سرنا وسرتم
كل حال يرجع لحالو
والزمان تتغير املامحو واحوالو
انا وانت عثرة من اسرارو
وكل واحد منا مثل ادوارو
قلت ليها .
واش العشرة انسيتيها
ولا اهوى نفسك اللي اتبعتيها
ولا غرك غرار وصفيتيها
قالت ليا .
لا لا يا ولد سيدي
والله لمقدر اعلينا ما بيدي
ما كنت اسباب يا بو اوليدي
قلت ليها .
ما قادر ننسى ايام العشرة
مكوي بالف جمرة وجمرة
واحياتي صبحات بعدك حسرة
قالت ليا .
لا اتفكرني في فاضي
ولا في ايام ماضي
ولا اوقفتنا قدام قاضي
قلت ليها .
هذا هو سر الحياة
وحال لفراق ات
باطلاق او ممات
قالت ليا .
ما كنت نحلم بافراقك
متحملة اهبالك واحماقك
وملازمني حبك واشواقك
قلت ليها .
ملي يحرم الله الارزاق
ما تنفع اخرايف ولا ازواق
ما كاين غير الله ولفراق
قالت ليا .
المكتوب على الجبين
لا بد ما اتراه العين
اتطول او تقصار السنين
قلت ليها .
امرحبا بالمقدر والمكتاب
والمخلوق ما ايغير احساب
الله يجيبنا في الصواب
.
شعر مصطفى امزيل المعازيز في 2012/12/25
اقليم الخميسات المغرب
الرجوع الى أعلى الصفحة اذهب الى الأسفل
 
قلت ليها وقالت ليا
الرجوع الى أعلى الصفحة 
صفحة 1 من اصل 1
 مواضيع مماثلة
-
» اجمع اوا راسك مصايبك راها كثيرة مالقيناش ليها الحل

صلاحيات هذا المنتدى:لاتستطيع الرد على المواضيع في هذا المنتدى
منتديات دواوين الثقافية و الأدبية :: نسمات زجلية :: منتدى الزجل-
انتقل الى:  
أركان منتديات دواوين الثقافية و الأدبية