يا مركب الغربة فين غادي بيا
البحر غدار والموج صعيب عليا
بعدي على ترابك ما هو بيديا
نبكي على فراقك لا لوم عليا
وعلاش يلوم لي ما عارف ما بيا
شوقي لك نار فصدري تشعل حية
طحت جريحة للغربة راني ضحية
كيفاش نكون وانا مضيعة عمري بيديا
نبكيك يازين البلدان بقلبي قبل عينيا
ما بين نارين امر الله وكتاب عليا
يا حسرة كنت فبلادي وردة ماشي بنية
وفبلاد الناس شموعي مطفية
ابكي ياعيني لا لوم عليا
ابكي على بلاد بالطيب مكسية
وارثي حياتي لي تدفنات وانا حية