منتديات دواوين الثقافية و الفنية منتديات تعنى بالأدب والثقافة والفن.
 

شاطر | 
 

 حروف الفنجان

اذهب الى الأسفل 
كاتب الموضوعرسالة
نجاة احسايني
عضو فعال
عضو فعال
avatar

المدينة : سوق اربعاء الغرب
عدد المساهمات : 329
معدل النشاط : 562
تاريخ التسجيل : 25/10/2012
الموقع : www.da-wawin.com

مُساهمةموضوع: حروف الفنجان   الإثنين 11 أغسطس - 13:34

حروف الفنجان

وَنا وحدي وسط الناس
تْجَمْعت الهموم ونزلت على الراس
بْدا التخمام والحيرة
يْثَقّل عل لْنفاس
ينخر الساس
فضولي خلاني
نْكَلّبْ الفنجان
نقرا مافيه من حروف
...
ضبابة كحلة
مْخيمة فِ سماه
دخان وبارود فِ عْلاه
آ ش كَ نشوف؟
رجالة ونسوان
صبيان وحيطان
شي مطروح، شي فْ لكفان
شي رايب، شي لحْمو تعفن
القيامة نايضة
مّاليها ب الهموم غايضة
عيونهم ب الدموع فايضة
...
كَلَّبْتْ الفنجان
مَ جميع الاركان
قريت فيه حروف
تقاسي م الظروف
تبكي عل المجروح
هنا ولْهيه مليوح
تْشَيّع الشهيد
اللي كان عند مّيمتو
وحيد
تواسي المشرد
اللي م الوالي اصبح
مْجرد
ضرني خاطري
شحال بكيت
هزيت كفوفي لله وترجيت
ما ترجّاتو قلوب لَمْحنة
تزول لْمَحنة
تعود لبسمة
وْيعْلا بنادم
ب الهَمّة
حروف الفنجان
باقي كَ تَدْوي
كَلّبْتها يمين وشمال
آ ش كَ نشوف؟
حروف تايهة مع التيه
رادَّ راسها من ديك الجِّيه
عايشة ف لخيال
مربوطة ب حبال
هايمة ف لغرام
همهازين لخدود
ولعيون السود
...
آش هاذ الحال؟؟؟؟
لحروف وحْدة
وهي مْفرقة
هاذي مهلوكة ب لقَرح
وْلُخرى طايرة ب لفرح
آش هاذ لعجب؟؟
عش نهار ..تسمع خبار..
الحاصول
ما حاسْ ب المزود
غير اللي مْسوّط به
...
غسلت الفنجان
عامت حروفو
جرات ف الوديان
وصلت لَلْبير
للغدير
شرب منها الطير
غرد فوق الشجر والنخيل
أ نْشا الله
يكون الخير
يكون الخير
نجاة احسايني وجدة 10/8/2014

الرجوع الى أعلى الصفحة اذهب الى الأسفل
فتيحة رشاد
مراقبة
مراقبة
avatar

المدينة : الدار البيضاء
عدد المساهمات : 3218
معدل النشاط : 3895
تاريخ التسجيل : 08/07/2010
العمر : 55
الموقع : www.da-wawin.com



مُساهمةموضوع: رد: حروف الفنجان   الأحد 12 أكتوبر - 9:27

انشاء الله خير
نرجو من العلي القدير ان ينصر اخواننا المسلمين في كل البقاع
الرجوع الى أعلى الصفحة اذهب الى الأسفل
 
حروف الفنجان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دواوين الثقافية و الأدبية :: نسمات زجلية :: منتدى الزجل-
انتقل الى:  
أركان منتديات دواوين الثقافية و الأدبية