منتديات دواوين الثقافية و الفنية منتديات تعنى بالأدب والثقافة والفن.
 

شاطر | 
 

 الغول

اذهب الى الأسفل 
كاتب الموضوعرسالة
نجاة احسايني
عضو فعال
عضو فعال
avatar

المدينة : سوق اربعاء الغرب
عدد المساهمات : 329
معدل النشاط : 562
تاريخ التسجيل : 25/10/2012
الموقع : www.da-wawin.com

مُساهمةموضوع: الغول   السبت 26 يوليو - 0:55

الغول

دّاتني عيني ومشات
وماجات فين تغرق ف النعاس
حتى دق عليها م لفوق الراس
ب كَادومة وفاس
بااااااز ليك
يحلا ليك النوم
بحالك بحال شي قوم
اللي مْخرّج راسو م اللوم
خوتكم طايحين
ب لْكوم
مشويين ب نار الشوم
ب سباب صهيون
غارقين ف الدْمايات
عوم
....
آش ف جهدي ما ندير
بحالي بحال لخوت
مكتفين حتى لموت
ف راس مالي
قلم ودواية
نوصل بيهم لغايا
يشكي لّلحجر
يذوّب الصخر
وْمايبكّي قلوب الشر
....
بكات عيني
وحقْرت جفوني
عل اللحظة
اللي بغاوْا يْوَسْدوني
ونساوا ما جاري ف لكون
مَ الذل ولهون
نساوْا بَ اللي كاين عيون
ماتغمّض ما تشوف نوم
ب سباب صورة لغول
ب الليل والنهار
جارح
بين السما وْلرْض
سارح
للصغير وللكبير
ذابح
طالق الدخان
ف كل مكان
شاعل النيران
ف لبدان
يشيع اكفان واكفان
غيرو محزون
وهو فرحان
داير جنحان
م الشرق ولغرب
واكل أو شبعان
صهيون بّاتْ لغول
يعفس ب لكْدام
على بْني آدم
ما يخلي عيون الصبيان
تنام ولاتشوف
احلام
عل للّحجر تْعودوا
لَفطام
وقولة "الله اكبر"
فَ لفّام

نجاة احسايني وجدة 23/7/2014
الرجوع الى أعلى الصفحة اذهب الى الأسفل
سعاد فايز
عضو فعال
عضو فعال
avatar

المدينة : فاس
عدد المساهمات : 1573
معدل النشاط : 1993
تاريخ التسجيل : 24/07/2011
الموقع : www.da-wawin.com

مُساهمةموضوع: رد: الغول   السبت 2 أغسطس - 23:03


لك الله ياغزة
و كل من باعوك
ركبوا حصان الذل
و نزلوا عن صهوة العزّة
لك الله يا غزة...

- سعاد فائز-
الرجوع الى أعلى الصفحة اذهب الى الأسفل
http://dawawin.ibda3.org
 
الغول
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دواوين الثقافية و الأدبية :: نسمات زجلية :: منتدى الزجل-
انتقل الى:  
أركان منتديات دواوين الثقافية و الأدبية