منتديات دواوين الثقافية و الفنية منتديات تعنى بالأدب والثقافة والفن.
 

شاطر | 
 

 حمار الليل

اذهب الى الأسفل 
كاتب الموضوعرسالة
نجاة احسايني
عضو فعال
عضو فعال
avatar

المدينة : سوق اربعاء الغرب
عدد المساهمات : 329
معدل النشاط : 562
تاريخ التسجيل : 25/10/2012
الموقع : www.da-wawin.com

مُساهمةموضوع: حمار الليل   الخميس 5 يونيو - 23:48

حمار الليل
كَالو مسكين
ضربو حمار الليل
تمشى وهو كاعي
دوى وما هو واعي
مد يديه وهو نعسان
خوى لمكان
دار لمان
ف اي كان
حمار الليل
كْلب ليه لمجاج
نوض عليه لعجاج
لبسو لحلاس
خلاه ضحكة
بين الناس
كلامو فيه لهواس
بنادم منو ولّى عساس
حمارالليل
ما بقى يضيف لغافل
زاد عليه لعاقل
مول لمال ولمْقال
ارجع م اصحاب لحال
داوي ب لمُحال
ناوي يغير لحوال
كَالو قاسو لهبال
وهوليهم ما راد لبال
حمار الليل
ورثناه من جيل ل جيل
باقي راكب لخيل
عل لعباد يدور ويميل
فيهم اللي قلبو عليل
دموعو ديما تسيل
واللي صبرو قليل
ما قادر على همو الثقيل
واللي مكوي ب نار لخليل
ايامو كلها ليل
حمار الليل
بقات فيه غير السمية
لحيلة فيه غلبت النية
اللي بغى يكسب الدنيا
يلعبها عليك وعليا
يدير ف راسو مزية
ياخذ اللي بغى
ويلوح ليك شوية
ويكُولو مسكين
ضربو حمار الليل
نجاة احسايني 4/6/2014

الرجوع الى أعلى الصفحة اذهب الى الأسفل
 
حمار الليل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دواوين الثقافية و الأدبية :: نسمات زجلية :: منتدى الزجل-
انتقل الى:  
أركان منتديات دواوين الثقافية و الأدبية