منتديات دواوين الثقافية و الفنية منتديات تعنى بالأدب والثقافة والفن.
 

شاطر | 
 

 الشمعة

اذهب الى الأسفل 
كاتب الموضوعرسالة
حميد الصنهاجي
عضو فعال
عضو فعال
avatar

المدينة : مكناس
عدد المساهمات : 412
معدل النشاط : 772
تاريخ التسجيل : 10/05/2011
الموقع : www.da-wawin.com

مُساهمةموضوع: الشمعة   الثلاثاء 3 يونيو - 22:12



الشمعة

بوحدي ، كنت هاني ف دار
كل النهار، نحفظ لوحة  حكايتي
أ بالليل ، نعرضها على وسادتي  
أ بينهم ، ك نهدن بالي ل حار
حتى دخلات ، بلا فتيلة ، شمعة
بيدها على خذها ، رمات دمعة
شكون لي جابها، سمسار ولا جار؟
ما تشعلات ، باش تضوي ظلمة
ما هدرات ، ما نطقات بكلمة
من سكاتها ، ما بان مديح ولا عار
صدرها ما قدر يخبع تنهدات
و دموعها بحال الشتاء تعددات
أ ملي نطقات ، الظلام طار
قالت : فتيلتي مني ضاعت
ومحنتي ، ف الزنقة ، شاعت
بلا بها ، نور ضوي بار
لحمي ،من البارح ،شاخ و هرم
أ ريحتو عطات من البعيد و كرم
عافو السبع و الضبع وحتى الفار
ما لقيت ، غير ليك ، نشكي هم
هم ، على جميع حيوط بيتي عم
ما بقيت صالحة ، لا لضو لا لنار
قلت لها : نتوانسو . حتى أنا غريب
واحد ل لاخور يكون عوين قريب
همي حتى أنا ، ما يقدو كار
ب ثقل قناطرو ما يتهز
رجليه ميتين ما يقدر يعكز
حيث الزهر غاب ، ما بقى زار
البارح كان يشدني ف الزلقة
واليوم ردني قرد ف الحلقة
وكلامو ما هدر ما شار
عطاني بالظهر وخلاني ف حال
مهموم  وحزين ما ردلو بال
نكرني ودار فيا العار
محال واش يرجع اليوم
غير ينبث ف طريقي الدوم
وخى هاد الليلة ، جوها حار
نزلي أ الشمعة راسك على راسي
يهدن من الوجع باسك أ باسي
وننساو هم كان و سار
نخطفو من فم الدنيا بسمة
تغذينا و تقوينا بحال لقمة
ونكون فتيلتك عليها هم ثار

حميد الصنهاجي
الجمعة 16 ماي 2014

الرجوع الى أعلى الصفحة اذهب الى الأسفل
 
الشمعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دواوين الثقافية و الأدبية :: نسمات زجلية :: منتدى الزجل-
انتقل الى:  
أركان منتديات دواوين الثقافية و الأدبية