منتديات دواوين الثقافية و الفنية منتديات تعنى بالأدب والثقافة والفن.
 

شاطر | 
 

 ضو لكَمرة

اذهب الى الأسفل 
كاتب الموضوعرسالة
نجاة احسايني
عضو فعال
عضو فعال
avatar

المدينة : سوق اربعاء الغرب
عدد المساهمات : 329
معدل النشاط : 562
تاريخ التسجيل : 25/10/2012
الموقع : www.da-wawin.com

مُساهمةموضوع: ضو لكَمرة   الجمعة 16 مايو - 21:40

ضو لكَمرة

ب الله عليك يا لكَمرة ضوي لمكان
الظلام عشش عند شلا قومان
الغربة ف الدين ولوحدة واللسان
العيشة مفرقة ولحياة عامرة احزان
يا لكَمرة ضوك ما كفى زيدي عليه النهار
تتلم الجماعة وغريبــــــــها ينهار
عيوبو تبان تْهرّس وما تزيد تكبار
تصفى لقلوب وربيعها ينبت ويخضار
يا لكَمرة لاتغيبي وكوني قنديل شاعل
ينور لعقل وبيك بنادم ما يصير جاهل
لكل خطوة يحسب وف همو ما يعود واحل
يقنع ب خيرو ولخير غيرو ما ياكل
يا لكَمرة كْدي وحيي فينا لقلوب
ب بْهاك تحيى النفوس وتزول لعيوب
بنادم يعيش واضح وما يبقى فيه كذوب
ساعة م سوايع الله يلقى لمكتوب
يا لكَمرة لاتخلّي لغيوم عليك تحوم
الى سْواد زاد، الحق يصبح مردوم
وقتها لعيشة تصعاب وبنادم حالو مضيوم
يوم عل يوم الهُوّة تكبر، ولواحد فينا يصبح ملغوم
نجاة احسايني 16/5/2014
الرجوع الى أعلى الصفحة اذهب الى الأسفل
 
ضو لكَمرة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دواوين الثقافية و الأدبية :: نسمات زجلية :: منتدى الزجل-
انتقل الى:  
أركان منتديات دواوين الثقافية و الأدبية