منتديات دواوين الثقافية و الفنية منتديات تعنى بالأدب والثقافة والفن.
 

شاطر | 
 

 دمــــــــوع المـا

اذهب الى الأسفل 
كاتب الموضوعرسالة
يونس الفجري
عضو جديد
عضو جديد
avatar

المدينة : مراكش
عدد المساهمات : 10
معدل النشاط : 26
تاريخ التسجيل : 11/03/2014
الموقع : www.da-wawin.com

مُساهمةموضوع: دمــــــــوع المـا   السبت 5 أبريل - 19:48



دموع الما

أنا واد
جاري كلام
بريح دموعي
محزم بالما
والعين شايف غير الظلما
نازل خيط من السما
تالف ليه الراس
وسط الزحمة

نقي القلب
ونكحز الظلام
تطلع الشمس كلام
وتشرق الذات

مصرف مايا حروف
سارح بخيالي نطوف
نبيض كلمة ونشوف
لا تقولو راني مسكوف
راه بكلمة بكلمة نحل الدفوف
العين شحفات ماها تبخر
والكلام تفتخ ونتطر حروف

الما اللي كان جاري
الما اللي كان يخمد ناري
الما اللي كان عالم بأسراري
الما اللي كان عارف ما ف قلب وداري

تكون فجلايلي سحاب
نزل معايا وساب
بلعاتو الارض بلا حساب
وجفوني عادو ضباب

اللفعى والحنش دارو السنان
كبر ليهم الشان
دارو حلقة وسط الجنان
فالخضورة يغنيو ألحان
سمعهم القرد نزل يجري من عشبة البنان

جمعو ناس الغاب والليل
يحكيو ليهم على الي داير بيني وبين الخليل

فليلة عاصفة
دموع الما نقطات شتا
الحبيب من قلبي
هبط ومشى
وقف تلفت عطاني رمشة
بين الشجرغاب
وخيالو بين عينيا تلاشى

حملت القنديل
تبعتو نقول ليه جوج حروف
جوج حروف
نحلة تزنزن فالقلب
جن فالمخ ينقب
بركان حامي فأي لحظة يصب

كنت مسرور وصافي البال
سقاية سايل ماها شلال
سبحان مبدل الأحوال
ليوم تقطع ليا الراس بالي تبلبل
وعقلي هبال
وضحيت فكرون زعفان مركن ف عظمو
وحيد يبركم بكلماتو ولمن يشكي همو
صابرماهمني الكوا
أنا زايدني حر الهوى

نفرز الحا وتتصرط  ليا البا
نفرز البا ونلقى الحا
ركبات مواج الرياح
وأنا بقيت متخبط بين الحا والبا فهذ الليل
حتى صبح الصباح
وفاق الديك الصياح
سولني مالك بايت نياح
ها سرك وصل داك البراح
يلاه شكون يسكتو يقم وقلبو يرتاح

العين شافت وماتاقت
القلب ناد يركز بالحفى
الصمت خيم عل القعدة
جاب ليا الله بللي غير حلمة
درفت دمعة وشعلت شمعة
وهكذا قصتنا حفروها النجوم
فوق الصخر
وعاودها القمر للبحر
ودموع الما
سالت لذة وحديث
فهموها الاسياد
وانا بقيت كالس مع ولاد الجواد


يونس الفجري
2014-03-04
الرجوع الى أعلى الصفحة اذهب الى الأسفل
سعيد محمودي
المدير العام
المدير العام
avatar

المدينة : الدار البيضاء
عدد المساهمات : 7236
معدل النشاط : 12091
تاريخ التسجيل : 08/12/2009
الموقع : www.da-wawin.com

مُساهمةموضوع: رد: دمــــــــوع المـا   الأربعاء 9 أبريل - 18:29

أحييك ابني الفاضل يونس الفجري شكرا على هذا المجهود الجميل تقديري واحترامي
الرجوع الى أعلى الصفحة اذهب الى الأسفل
يونس الفجري
عضو جديد
عضو جديد
avatar

المدينة : مراكش
عدد المساهمات : 10
معدل النشاط : 26
تاريخ التسجيل : 11/03/2014
الموقع : www.da-wawin.com

مُساهمةموضوع: رد: دمــــــــوع المـا   السبت 19 أبريل - 14:42

بارك الله فيك السي السعيد المحمودي .. تحياتي
الرجوع الى أعلى الصفحة اذهب الى الأسفل
 
دمــــــــوع المـا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دواوين الثقافية و الأدبية :: نسمات زجلية :: منتدى الزجل-
انتقل الى:  
أركان منتديات دواوين الثقافية و الأدبية