منتديات دواوين الثقافية و الفنية منتديات تعنى بالأدب والثقافة والفن.
 

شاطر | 
 

 دنيا...يا دنيا..

اذهب الى الأسفل 
كاتب الموضوعرسالة
نجاة احسايني
عضو فعال
عضو فعال
avatar

المدينة : سوق اربعاء الغرب
عدد المساهمات : 329
معدل النشاط : 562
تاريخ التسجيل : 25/10/2012
الموقع : www.da-wawin.com

مُساهمةموضوع: دنيا...يا دنيا..   السبت 9 نوفمبر - 13:29


دنيا ..يا دنيا...

شفت فيها وشافت فيا
ضحكت ليا وكُلت ليها:
مزينك يابهجة ليام
زينك فتان
يخلي لواحد بيك ولهان
لباسك عروس ب جميع الالوان
تطّيحي ف غرامك رجال
وتشدي ب حبالك نسوان
حبالك طويلة
ممدودة للعادي والبادي
كيف مّا كان
كل من طرق بابك
انت معاه سخية
ساعة تديري فيه مزية
تمشي معاه ب النية
وساعة تكوني ليه بلية
مانت غير حية
تحضني عليه وتكويه الف كية
غرامك ف القلب
عشش دار وكار
فرّخ وشحال كبار
العقل فيك تّبهَار
والقلب ما قدر عليك يصبر
شاد فيك
ويقلب ليه عل لعذار
وخّى ب سبابك تْضر
انت زاهية لعابة
اللي ما عرفك
تكوني ليه ضرابة
انت فايتة وفانية
اللي فهمك مزيان
يعيش معاك ف امان
انت راحلة ما دايمة
شحال خذات منك
الناس القايمة
ف تربتها راها نايمة
انت العسل المرة
حلاوتك فيها مضرة
اللي ذاقها ما يبرى
شحال عاشوك من قومان
بناوْ او علاوْ
كلهم دابا ف خبر كان
ما يتعلق بيك
غير مول النشوة
اللي عايش ف حياتو ب النزوة
بلا غاية ولا جدوى
اما مول الرزانة والحكمة
ضارب حسابو ب الخطوة
وعارفها مزيان آآآآآآش تسوى

نجاة احسايني س/أ/غ 5/11/2013
الرجوع الى أعلى الصفحة اذهب الى الأسفل
سعيد محمودي
المدير العام
المدير العام
avatar

المدينة : الدار البيضاء
عدد المساهمات : 7236
معدل النشاط : 12091
تاريخ التسجيل : 08/12/2009
الموقع : www.da-wawin.com

مُساهمةموضوع: رد: دنيا...يا دنيا..   الثلاثاء 15 أبريل - 16:11

الاخت الفاضلة نجاة احسايني شكرا على هذه الزجلية المعبرة تقديري واحترامي
الرجوع الى أعلى الصفحة اذهب الى الأسفل
 
دنيا...يا دنيا..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دواوين الثقافية و الأدبية :: نسمات زجلية :: منتدى الزجل-
انتقل الى:  
أركان منتديات دواوين الثقافية و الأدبية