[b]الفاهم شوفتوا كفاتوا ...والقاري لا توريه
مول الكلام المعسول ما عندو ما يقول ...والي في قلبوا اخديعة عمروا ما يكون معقول
الشاك في الناس شاك في روحوا ...وولد الناس عمر الايام ما تلوحوا
دير الخير في الرجال وترجاه ..لا تديريه في الشماتة تندم عليه
يا التايه في الدنيا ايقلب على شريك احياتوا... واش الناس سلعة كلا ايهز الي واتتوا
الي كلاموا صادق تحس بيه معقول... والي يكدب عليك غير ايصول ويقول
خلي الايام تدير ما بغات ...فالزمان قلب راه القلوب الصافية قلات
الناس احجر وطين.. فيهم الخاين وفيهم الامين
يا عايم في بحر الحب عداك لا يديك... بعد لتساع لتعود الناس تتفرج فيك
العيب ايلا كان في الناس ايبان ايبان... وعمر الحب والغدر ما كانوا سيان

جميل ماأحوجنا إلى هده الحكم الأصيلة في هذا الزمن حتى نجد ونتصالح مع أصالة مغربيتنا شكرا أختاه على مجهودك

اختى الكريمة امال خشان اشكرك على نشرك هذه الحكم
التي لا تقدر بثمن نحن نفتقر اليها فى زمننا هذا اتمنى
منك المزيد
تحياتى

محمد منار

امثال شعيبة لا تخلو من الحكم البليغة

دمت رائعة
نرمين من المغرب