منتديات دواوين الثقافية و الفنية منتديات تعنى بالأدب والثقافة والفن.
 

شاطر | 
 

 أمثال شعبية مغربية

اذهب الى الأسفل 
كاتب الموضوعرسالة
سعيد محمودي
المدير العام
المدير العام
avatar

المدينة : الدار البيضاء
عدد المساهمات : 7236
معدل النشاط : 12091
تاريخ التسجيل : 08/12/2009
الموقع : www.da-wawin.com

مُساهمةموضوع: أمثال شعبية مغربية    الأربعاء 3 أغسطس - 16:52


ليبغاها كلها يخاليها كلها.
لي مارضا بخبزة مايرضا بنصها.
ضرب لحديد محدو سخون.
حماتي للاتي و مراتي مولاتي.
فقيه الدوار مكتباسش يدو.

مئة تخميمة و تخميمة ولا ضربة بالمقص.


الصنعة يلا ما غنات كتستر واقلة كتزيد فلعمر.
السفيه ما كينطق غي بلي فيه.
ودن صمة و الاخرى فيها الماء.
اللي ما شاف من عين الغربال اعمى.
حتى طارو الطيور عاد جات الهامة كدور.
اللي ما جاب لا قلام ولا دواية ما عول على قراية.
حتى تطيح الشتى يا قرمان عاد يصبن حوايجو حمان.
حسدو العمى على عكازو.
عاند ولا تحسد.
البكاء مور الميت اخسارة.
اللي فات مات.
مراة المنحوس ما هية مطللقة ما هية عروس.
ملي تنحتاجك يا وجهي كيخبشوك لقطوط.
جيت نبيع لحنة كترو الاحزان.
حبوبت وجهي حكيتها سال دمها خليتها طال همها.
الجوع و النوع و البكا بلا دموع.
منحوس منحوس و لو على راسو فانوس
كلشي درتولك جديد و السعد ما صبت فيه ما انزيد.
رضينا بالهم والهم ما رضا بينا درناه عند
راسنا صبح عند رجلينا.
الحنة حرشة و الحناية عمشة و العروسة فيها بو تفتاف.
سوق النسا سوق مطيار يا الداخلو رد بالك
يوريوك من الربح قنطار ويديوليك راس مالك.
ديرها فالرجال وترجاها و ديرها فالنسا و لا تنساها.
لا يعجبها لعجب ولا الصيام فرجب.
سيدي حادق و لالا احدق منو ، سيدي
احسابو القديد و لالا كتقطع منو.
كل غيبة كتزيد هيبة.
عز الخيل مرابطها.
جغمة من البحر و لا اجميل الكرابة.
العز والنصر والسكنة فلقصر.
الموت بالردم ولا معاشرت لخدم.
حاسبني حساب عدوك و جلسني بلاصت خوك.
دهن شواربك بالسمن و دوز على عدوك مصبن.
اللي ماجي لعندك لا تمشي عنده.
اللي اتخدمو طيعو و اللي اترهنو بيعو.
كن نحلة ما تعدم اجبح.
كن اسبع و كولني.
يلا شفتيها بسعدها عرفها مكملا من عندها.
ما تشري حتى تقلب و ما تصاحب حتى تجرب.
امدح صاحبك قدام الناس و لوح صحبك الراس فالراس.
حج و حاجة و قضيان حاجة.
الكلب يلا انضام كيردها لنيابو و الحر كيردها لدراعو.
يلا فاتك الكلام قول اسمعت ويلا فاتك الطعام قول اشبعت.
اللي ما لقى الخير فركانو يكون الخير فلسانو.
ما دير خير ما يطر باس.
اج امي نوريك دار خوالي.
لهلا يورينا فولادنا ميخلعنا.
ادعاوي بارشاوي.
عيطت على ديالي جاني عيطت على ديال الناس مشى و خلاني.
ما يحكلك هي ظفرك و ما يبكيلك غي شفرك.
مشات حليمة لمسيد ما صابتش احسن من اسعيد.
اللي كثرو همومو كثرو اعجوبو.
هده دار بونا والعبيد يخرجونا.
يلا بغيتي اتوحش صاحبك سلفو.
لكان الحمام يبيض لكان بيض قبابو.
اللي درقك ابخيط درقو بحيط.
اللي عندو باب وحدة الله يسدو عليه.
اللي ما عندو سيدو عندو لا لاه .
اللي فاتك بليلة فاتك بحيلة.
تيدور الزرع حتى كيدور وكيرجع لعين الرحى.
يلا امشا الزين كيبقاو حروفه ويلا امشا المال كيبقاو خروقه.
.الزين كيحشم على زينو والخايب غالهداه الله
الخير كيجلس والهم كيكمش.
كيدق ويقول شكون.
كيبيعو الارض ويضحكو على من شراها.
حرتا ولا ورثا ولا سير حتى…
بنت الدليل وبالثمن.
بحال اللي كيزيد لهودي لجامع.
الغربة كتلوح حتى لبلاد الشلوح.
شط الحرير حتى تلحسو بيه لمقالي.
ما يحس بالمزود غير اللي مخبوط بيه.
اللي دارها بيديه يفكها بسنيه.
قالو أش خاصك أ لعريان قالو خاصني الخاتم.
نهيه نهيه ويلا اعمى سير وخليه.
ما بين اللقمة و الفم تيريد ويحكم.
لالا تيها وكلشي فيها.
الضحك كيخصر البيع و الشرى.
اللي حبك ما بنالك قصر واللي كرهك ما حفرلك قبر.
اللي تيكون اناني تيبقى وحداني.
اللي اربحتيه تاكله و الدين باش تخلصو ؟
اللي ما جابتو المحبة ما تجيبو الحجارة.
اللي ما عندو هم كيولدوهلو لخدم.
اللحية مكترفد اللحية غير لقبر.
اليد اللي طعمتنا الحلال تيكونو ناسها قلال.
جيتي من البرية وابغيتي تاخد الولية.
خليني نبلع ريقي حتى نعرف عدوي من صديقي.
اطلع امساري واهبط شاري.



طلع تاكول الكرموس ونزل شكون قالها ليك.
ما احلى الحنطل يلا كان باطل.
الشوف ما تيبرد الجوف.
اللي ربط حمارو مع الحمير كيتعلم الشهيق و النهيق و الخروج على الطريق.
اللسان طويل و الدرع قصير.

الفم ماضي و دراع كادي.
اللي خرج من دارو كيتقل مقدارو.
اللي دار راسو فنخالة كينقبو الدجاج.
اش يقدك من الصلاة يا البايت بلا اعشى.
الجمل ما كيشوفش حدبتو كيشوف غير حدبت خوه.
ما ينفع غير الصحيح اما الراشي كايديه الريح.
اللهم اعمش ولا اعمى.
اللي شاف شي يقول الله يستر.
لا مكحلة لا سكين غير الله لعوين.
اللي فاتك بليلة فاتك بحيلة.
مول البنات ما يبات هاني.
ليزرب تعطل.
لو كان الخير فيا ما يتزوج راجلي عليا.
كان راجلي واصبحت انعشقو.
يعيى من يعطي وما يعيى من يشد.
اللي حبابو عريانين عمرو ما يتكسى.
ملي كطيح البقرة تيقواو السكاكن.
اللي احشم فما ضرو الشيطان غرو.
عيبت المدبوحة على المشلوخة قامت مطيورت المخ كتحامي.
لو كان الخوخ يداوي لو كان داوى راسو.
الله يجيب اللي يفهمنا ولا يعطنشاي.
وسواس من الجن ولا وسواس من ابنادم.
حتى يخلاق عاد نسميوه عبد الرزاق.
الله يعطينا شي نقرة فين يغبر نحاسنا.
حتى قط مكيهرب من دار العرس.
الصنعة يلا ما غنات كتستر واقيلة كتزيد فلعمر.
اشعند الميت ما يدير قدام غسالو.
شحال ما طال الليل كيصبح النهار.
جلسة احسن من وكلة.
نقا على نقا ما تيورد شقا.
الزيادة من راس لحمق.
كول بشهوتك و لبس بشهوت الناس.
الدين مسود الخدين ولو كان من فلسين.
قالو اشمتك قالو اعرفتك.
السوم الاول عليه اتعول.
اللي ما ولدو ما حن عليه.
المثلة للسارية و المعنى للجاية.
سد تصيب ما اتحل.
اللي احفر شي حفرة كيطيح فيها.

كون كان الخوخ يداوي وكون داوى راسو.

لي شافتو غنو بغات منو.

وريه وريه ولا عمى سير أو خليه.



الفقوص من الصغر كيعواج.
التربية في الصغر كالنقش على الحجر.
العصى ما كتخلي من يعصى.
ولد ولدك زوين ما تعدمشي اللي يبوسو.
يا الطامع في الزيادة رد بالك من النقصان.
الطمع طاعون.
الطماعين تيباتو في الشماعين.
ابنادم دربو على حلقو ينسى اللي خلقو.
واش بغيتي الزبدة و فلوس اللبان.
يلا كان خوك عسل ما تلعقوش كلو.
نوضوها تشطح دارتها بصح.
بنت بابا كبير نغاز الحمير.
حتى حزقت عاد طمت رجليها.
فرحت بلارج بولدو جا يبوسو تقبلو عينو.
سيدي على سبة طلق لالا على حزقة.
اتاي لعشية خير من بقرة مشوية.
الي ما تفلق خرجاتلو برقوقة.
البعرة كتقلب على ختها اربعين يوم وتقولها مرحبا بريحت الوالدين.
شكون داها فيك يا الزميتة في نهار العيد.
حسابتني كرمة وفيها الكرموص سعا هي خربة و فيها الناموس.
الي سبق تياكل النبق.
الي ما عندو هم كتولدولو حمارتو.
يد في الطبق و عين على من زهق.
بحال الي كيشطح لوجه لعمى.
عكوزة وقبطت سارق.
بحال الي تيسعى بولدو على كتفو هو تيقول انت على الله و ولده تيقول الله يجيب.
دابزو يا الفيران على خميرة الجيران.
كلشي كملاتو الدجاحة بقيلها غي لمشي فالليل.
اللي ما اشطح ما غنى بحالو ابحال الطنة.
خطب لبنتك و لا تخطب لولدك.
ميات تخميمة وتخميمة ولاضربة بمقص.
زواج ليلة تدبيره عام.
الزواج و الموت هم لا يفوت.
المراة الحرة ما تاكل غير من يد زوجها.
الراجل بدراعو ماشي بمتاعو.
اللي حبك حبو و لقلبك زوجو و اللي جفاك جفيه و تعداه و دوزو.
يلا عشقك القمر و هلاله اشعليتك فالنجوم يلا مالو.
زواج بنت العم اوسيدة للهم.
تهجالت لعناية و لا زواج الدل.
خود بنت قرابة و لا تاخد بنت غرابة.
العاتق يلا بارت على سعدها دارت.



الرجوع الى أعلى الصفحة اذهب الى الأسفل
الشاعر طارق أمغار
عضو فعال
عضو فعال
avatar

المدينة : أكادير
عدد المساهمات : 799
معدل النشاط : 1286
تاريخ التسجيل : 06/06/2011
العمر : 24
الموقع : www.da-wawin.com

مُساهمةموضوع: رد: أمثال شعبية مغربية    الأربعاء 3 أغسطس - 17:13



شكرا أستاذي سعيد محمودي لجمعك هذه الأمتال العريقة التي نسمعها دوما

أسعدني المرور من هنا لك التحبة
الرجوع الى أعلى الصفحة اذهب الى الأسفل
سعيد محمودي
المدير العام
المدير العام
avatar

المدينة : الدار البيضاء
عدد المساهمات : 7236
معدل النشاط : 12091
تاريخ التسجيل : 08/12/2009
الموقع : www.da-wawin.com

مُساهمةموضوع: رد: أمثال شعبية مغربية    الأربعاء 3 أغسطس - 21:41

شكرالك ابني العزيز طارق أمغارعلى مرورك البهي لك كل التقدير والاحترام
الرجوع الى أعلى الصفحة اذهب الى الأسفل
الشاعر طارق أمغار
عضو فعال
عضو فعال
avatar

المدينة : أكادير
عدد المساهمات : 799
معدل النشاط : 1286
تاريخ التسجيل : 06/06/2011
العمر : 24
الموقع : www.da-wawin.com

مُساهمةموضوع: رد: أمثال شعبية مغربية    الأربعاء 3 أغسطس - 23:53

سعيد محمودي كتب:
شكرالك ابني العزيز طارق أمغارعلى مرورك البهي لك كل التقدير والاحترام




من دواعي سروري أن أكون مارا من هنا شكرا جزيلا أبي الغالي
[b][i][u]
الرجوع الى أعلى الصفحة اذهب الى الأسفل
ابراهيم الرامي
نائب المدير العام
نائب المدير العام
avatar

المدينة : العرائش
عدد المساهمات : 3588
معدل النشاط : 4910
تاريخ التسجيل : 27/06/2010
الموقع : www.da-wawin.com



مُساهمةموضوع: رد: أمثال شعبية مغربية    الخميس 4 أغسطس - 0:33

شكرا اخي العزيز سعيد على هذه الباقة الغنية من الامثال الشعبية المغربية
أتمنى ان يتحفنا المبدع الزجال ،الاستاذ لحسن باديس بباقة من الامثال التي أبدعها ودونها في دوانين
تحيتي
الرجوع الى أعلى الصفحة اذهب الى الأسفل
سعيد محمودي
المدير العام
المدير العام
avatar

المدينة : الدار البيضاء
عدد المساهمات : 7236
معدل النشاط : 12091
تاريخ التسجيل : 08/12/2009
الموقع : www.da-wawin.com

مُساهمةموضوع: رد: أمثال شعبية مغربية    الخميس 4 أغسطس - 1:45

بارك الله فيك أخي وأستاذي العزيز ابراهيم الرامي على مرورك الكريم و نتمنى في القريب انشاء الله ان نستمتع بأمتال الاستاذ لحسن باديس
لكم كل التقدير والاحترام
الرجوع الى أعلى الصفحة اذهب الى الأسفل
????
زائر
avatar


مُساهمةموضوع: رد: أمثال شعبية مغربية    الخميس 4 أغسطس - 11:13

الاستاذ سعيد محمودي...شكرا على هذه الامثلة.الشعبية الهادفة..

ملاحظة بالنسبة للرباعية لعبد الرحمان المجدوب..

سوق النسا سوق مطيار..فهي في خانة عبد الرحمان المجدوب..وكي نفرق بين الثراث الشعب المعروف مصدره والشراش الشعبي الغير معروف المصدر ..حبدا لو لم تذكر هذه الرباعية مع الامثلة لانها تعود لعبد الرحمان المجدوي وهناك ديوان في هذا الامر...والمثل في مضمونه يسيء للمرأة .وبالتالي فهو يعبر عن موقف صاحبه ..ولا يحتوي العامة من الناس... والسلام عليكم ..
الرجوع الى أعلى الصفحة اذهب الى الأسفل
 
أمثال شعبية مغربية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دواوين الثقافية و الأدبية :: المنتدى الثقافي :: أمثال شعبية مغربية-
انتقل الى:  
أركان منتديات دواوين الثقافية و الأدبية