منتديات دواوين الثقافية و الفنية منتديات تعنى بالأدب والثقافة والفن.
 

شاطر | 
 

 أمثال شعبية مغربية

اذهب الى الأسفل 
كاتب الموضوعرسالة
ابراهيم الرامي
نائب المدير العام
نائب المدير العام
avatar

المدينة : العرائش
عدد المساهمات : 3588
معدل النشاط : 4910
تاريخ التسجيل : 27/06/2010
الموقع : www.da-wawin.com



مُساهمةموضوع: أمثال شعبية مغربية   الخميس 9 يونيو - 9:04

قلب البرمة على فمها, تطلع البنت لمها.

· الله يرحم من زار و خفف.

· الي وصل بلاد غير بلادو خل الهم لولادو.

· كون كان الخوخ تايداوي كون داوى راسو.

· الفقيه دحمان, قرا البرة سبع ايام, و قاليهم الخط عيان.

· مية تخميمة و تخميمة ولا ضربة بمقص.

· الحر بالغمزة و العبد بالدبزة.

· اللي ما جا بالمحبة مايجي بحزارة.

· ضربني و بكى, سبقني و شكى.

· الدجاجة غسلات رجليها نسات ماداز عليها.

· إلى مشى الزين ابقاو حروفو.

· اللي دارها بديه افكها بسنيه.

· اللي ماقدو الفيل, زيدوه فيلة.

· ما تيحس بالمزود غير اللي مضروب به.

· لا ديالي بقا ولا وجهي تنقى.

· جا ايعاونو فقبر باه, هرب لو بالفاس.

· شوف بيتو, وخطب بنتو.

· جا اطبو عماه.

· اللي بغا يدفع البلا يتوضأ للصلا.

· هاك و ارا, ما فيها حزارة.

· ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.

· اللي قال ليك العرس ساهل يسقي لو غير الما.

· حتى كلب ما تيهرب من دار العرس.

· مي, أجي نوريك دار خوالي.

· اللي خلى غذاتو لعشاتو, ما شفع ذاتو.

· الناس في الناس والقرع في مشيط الراس.

· إلى عطاك العاطي, ما تحرث ما تواطي حتى الجبال الطاطي.

· طاحت الصمعة, علقو الحجام.

· انا في همو كندادي وهو فتقلاع وتادي.

· عيبك أولية ربيه ليا.

· وريه وريه, و الى عما سير و خليه.

· اللي بغى لعسل يصبر لقريص النحل.

· السفيه تينطق غبر باللي فيه.

· اللي عضو الحنش, تيخاف من الحبل.

· النمل الى بغى يعذبو الله, تيدير ليه الجناح.

· اللي جا على المناول سدة, و اللي جا على الغذا تغذى.

· فالمقلة و تيحنزز.

· المندبة كبيرة و الميت فار.

· الدار دار بونا, وعبيد بانا اطردونا.

· اللي قال العصيدة باردة, ادير يدو فيها.

· مكلسني كلسة خوك و حاسبني حساب عدوك.

· عيات موت الحمق ما تعض فشاربها, قاليها من جهتي غير قطعيه.

· علاش عطيتي ميتين يعطي لباك كيتين, لا خد حمر لا سوالف ملوية.

· لالا زينة و زادها نور الحمام.

· تيبيع القرد و تيضحك على اللي شراه.

· ما حد ليتيمة تتبكي, و ربي تيزيدها.

· اللي بغى الزين, يصبر لتقيب لودنين.

· ما عند القرعة ما ترعى من غير مشيط راسها.

· كون تصحابها تكتاب, من دق الباب.

· شكارت العروسة مها, خالتها و الحزارة جارتها.

· عطاونا ثلث كواش, منهم غطا و كواش.

· الشوف ما يبرد الجوف, والناقة ما ترضع الخروف.

· الحرفة الى ما غنات تستر, أو واقيلا تزيد فالعمر.

· اللي ما تيخيط كساتو, يطيب غذاتو, يحلب شاتو عزيه فحياتو.

· المعروض فنهارو, يبقى فدارو.

· الهضرة عليك أ لحادر عينيك.

· إلى مات البو توسد الركبة, الى مات الأم توسد العتبة.

· إلى طلقتي المرا, ما توريها دار باها.

· الطلاب يطلب و مرتو تصدق.

· العمى و العميات و ظفار الجنيات, الأولى تصوت, و الثانية تلوط, و الثالثة تضرب البوط.

· لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.

· الزين بحروفو؛ ديه لمو تشوفو, القرع بفلوسو؛ أرا داك الراس نبوسو.

· حماتي لالتي و بنتها مولاتي.

· حماتي و جه الدلو, هي حارة و ولدها حلو.

· كثرة عطيني ما تخلي حد يبغيني.

· دخل ياكل الفريك أصبح معانا شريك..

· اخدم يا صغري على كبري..

· اخدم بكري ولا روح تكري.

· خبز الدار ياكلو البراني.

· دخلناهم يشربوا الرايب قالوا حقنا فالزرايب.

· دوام الحال من المحال.

· الدنيا دراعة كل واحد كيلبسها ساعة.

· نوصيك يا واكل الخوخ من عشرة رد بالك , في النهار تظل منفوخ وبالليل تبات هالك.

· الزين, الا زين الفعال.

· وجه الشارفة ما يخفى, ولو تحكو بالحلفة.

· اللي مدت يدها للحنة, تمدها كلها.

· الزين في بناتنا سلالة, من العمة للخالة.

· امدح صاحبك مع الناس, و لومو الراس فالراس.

· لو كان الصفيحة ترد العار, لو كانت رداتو على الحمار.

· كون أزماني حرش, و ها وجهي بوس و طرش.

· تفكر حبيبك و هواه, تفكر فعايلو و نساه.

· العشق المزروب, كله عيوب.

· ما كينسي البنت في امها غير همها.

· حل عينيك قبل الزواج, أما بعدو غير غمضهوم.

· الهم المنحوس, خليتو فدار با لقيتو فدار العروس.

· اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.

· دِيرْ عِينْ شَافَتْ وَعِينْ مَا شِافْتْ.

· اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.

· أش خاصك العريان الخواتم آمولاي.

· الشطابا أعروسا والجفاف أنفيسة.

· ما نعطيوش خيرنا لغيرنا.

· زواج ليلة تدبيره عام.

· تا تطلب الزيت من السفناج.

· الفقيه اللي نتسناو براكته ادخل للجامع ببلغته.

· اربط احمارك مع الحمير، يتعلم الشهيق والنهيق وخرجان الطريق.

· إيلا ارخص الشعير اغلات الحمير.

· الحمار مخبي ووذنيه برّا.

· اجيو تعلمو الحسانه في روس اليتامه.

· طاجين الشمايت، النصبا وقلة ليدام.

· احمر يا المشكورة، دبحو الجرو وصلاو على الهيدورة.

· اللي ضرقك بخيط ضرقو بحيط.

· اللي اطيبو المعفونة ياكلو رجلها.

· الي دار راسوا قي النخالة ينقبوه الدجاج.

· مبعيدة غير تادلة اما سبع حمير موجودة.

· لي ضروا رسوا, اعاود لرسوا.

· الكلب الى ما نبح ماعند مولاه فيه ربح.

· حزموني ورزموني ولا تعولو عليا.

· الى تقادو لكتاف يعود الكبير يخاف.

· اللي تيشطح ما تيغطيش وجهو.

*
اللهم النعاس في الخلا ولا ضيافة البخلا, اللهم النعاس في البرد ولا ضيافة القرد.
*
كل قرد في عين مو غزال.
*
الرجل بالهمة أما اللحية راها حتى عند العتروس.
*
هبيل تزوج هبيلة وتهنات القبيلة.
*
حتى زين ما خطاتو لولا.
*
العتبة مجرودة والركاني بالدودة.
*
لو كان الحمام تيبيض كون بيض قبابو.
*

الزين تيحشم على زينو والخايب الا هداه الله.
*

اللي تسحر مع البعالك يصبح فاطر.

- النواض (لفياقة) بكري بالذهب مشري.


- لحوانت متصافه و الارزاق مختلفة .


- باش تاكل الشوك أ عمي الجمل, باللسان لحلو.


- لعروسه فوق الكرسي معرفتي فين ترسي.

- لوجه المشروك عمر ما يصف.


- الجديد جديد و لبالي لا تفرط فيه.

- دير ما دار جارك ولا حول باب دارك.


- الدوام يثقب الرخام.

- الخُبْز والمَا مَا تْخَلِّي عَلَى القَلْبْ غمَّه.


- دارنا ساترة عوارنا.


- السلطان بالتاج و كيحتاج.


- اللي عضو الحنش كيخاف من الحبل.


- ختار الجار قبل الدار.

- - اللي قال ليك قال عليك.

- جا يكحلها عماها.

- على قد لحافك مد رجليك.

- عين بنادم مايعمرها غي التراب.

- سال المجرب ماتسال الطبيب.

- شكون يحك القرع غي ظفارو.

- عشرة د ليهود على قنفود ومادبحوه .


- اللي مشى بلا عراضة يجلس بلا فراش.


- لمكسي بديال الناس عريان .

- عند رخصو تخلي نصو.

- اللي سبقك بليلة سبقك بحيلة.


الرجوع الى أعلى الصفحة اذهب الى الأسفل
الضريسي الباز حسن
.
.
avatar

المدينة : باريس
عدد المساهمات : 1741
معدل النشاط : 2341
تاريخ التسجيل : 29/05/2011
العمر : 56
الموقع : www.da-wawin.com


مُساهمةموضوع: رد: أمثال شعبية مغربية   الخميس 9 يونيو - 10:01

صديقي ابراهيم الرامي.
شلا على أمثال عندك ف
الراس ومزال عاد علاش
متسلفنيش منها غير شويّ
الرجوع الى أعلى الصفحة اذهب الى الأسفل
ابراهيم الرامي
نائب المدير العام
نائب المدير العام
avatar

المدينة : العرائش
عدد المساهمات : 3588
معدل النشاط : 4910
تاريخ التسجيل : 27/06/2010
الموقع : www.da-wawin.com



مُساهمةموضوع: رد: أمثال شعبية مغربية   الخميس 9 يونيو - 10:38

شكرا الصديق الغالي السي حسن على مرورك
أخي الكريم الامثال الشعبية المغربية كثيرة وكثيرة جدا وغالبية المغاربة يعرفونها لانها متداولة ،ولكن هناك بعض الامثلة الحديثة التي ابتدعها بعض المبدعين واخص بالذكر الأستاذ الزجال لحسن باديس الذي قام بتدوين مجموعة من الامثال الخاصة به ..ولدي نسخة من ديوانه الاول تحت عنوان مائة مثلة ومثلة
شكرا مرة اخرى على اهتمامك بكب ماهو مغربي قح
معزتي التي لاتبلى ولاتشيخ ابدا
الرجوع الى أعلى الصفحة اذهب الى الأسفل
لحسن باديس
عضو فعال
عضو فعال
avatar

المدينة : القنيطرة
عدد المساهمات : 236
معدل النشاط : 290
تاريخ التسجيل : 26/06/2011
الموقع : www.da-wawin.com

مُساهمةموضوع: رد: أمثال شعبية مغربية   الثلاثاء 28 يونيو - 17:54

أخي الرامي أحب فيك الاجتهاد . والكلام الطيب في كل مداخلته. وتْباركْ الله عْليكْ على هذه الأمثال المختارة. وأذواقك المتنوعة
. هل كتابي مائة مثل ومثل " الجزء الثاني" في حوزتك؟
الرجوع الى أعلى الصفحة اذهب الى الأسفل
ابراهيم الرامي
نائب المدير العام
نائب المدير العام
avatar

المدينة : العرائش
عدد المساهمات : 3588
معدل النشاط : 4910
تاريخ التسجيل : 27/06/2010
الموقع : www.da-wawin.com



مُساهمةموضوع: رد: أمثال شعبية مغربية   الثلاثاء 28 يونيو - 19:11

العزيز الأستاذ لحسن باديس
شكرا على مرورك الكريم وعلى كلماتك الطيبة
خي الكريم ، لدي الجزء الأول فقط من ديوانك مائة مثل ومثل ، اتمنى ان نلتقي في فرصة قادمة إن شاء الله وحينها سوف أطلب منك الجزء الثاني ههه وإن شاء الله أجزاء أخرى قادمة

تبارك الله عليك
الرجوع الى أعلى الصفحة اذهب الى الأسفل
 
أمثال شعبية مغربية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دواوين الثقافية و الأدبية :: المنتدى الثقافي :: أمثال شعبية مغربية-
انتقل الى:  
أركان منتديات دواوين الثقافية و الأدبية